昨天恒指挾升千點惟成交亦只剛過1000億元，今天市況更為淡靜要去到下午3時11分大市成交才過500億元，整日大市被安排徘徊在18000點附近等侍方向。
金管局狅接港元沽盤
北水在國慶長假期缺席，記憶所及早年每每內地長假期港股多逢挾升，話說外資挾高港股迫令中資長假後入市追貨，是真是假已不重要反正已成過去，但今時今日外資在港股地位已今非昔比，再加上近期港滙偏弱自金管局5月以來頻頻入市接港元沽盤，巳累計顯示有2千多億元流出港元、美國持續加息行動下香港只怕情況仍會繼續地走資。
先搵個底後才講轉勢
港股在受美股急升影響下昨天跟隨彈升一千點，又剛好遇上內地長假期恰似昔日的情景，但更重要就係每5年一次重大的中央會議，由現在距離月中中共召開二十大時間還有十天、而該會議預期為七天，會議是制定國家未來5年及更長遠的計劃方針，不難估計今次會議會有特定針對刺激經濟措施，並會重重落墨去扭轉現時經濟正在下行的狀況，更不排除會議期間推出的利好政策現時中資股有正面作用，會議剛好在港股處於低殘17000-18000點之間舉行，若利好消息出台不排除可令到港股先行熊市止跌，再而找到今次熊市底部支持位，但論到轉勢估計就末有這麼快，畢竟外圍仍然暗淡前景仍處於悲觀，歐洲經濟及中美關係已經打定輸數下，再加上俄鳥局勢要股市轉勢真係談何容易，但係會議還未開港股就彈咗上去！最大問題係今次恒指彈升北水未在場變成了旁觀者。
現在升了、二十大又升唔升?
去到下周北水重臨港股之時，你認為北水會否即時撲入市追貨補倉，順便好讓人家出貨套利然後再轉交金管局來承接呢！或是北水見既然大升一千點大家咁開心但冇佢份，就寧願俾埋佢啲貨你呢！明天港股可能唔跌番咁上下，下周回來你唔出貨也許北水見仍有水位都被迫要出貨，反正國慶期間除了攜程(09961)、同程旅行(00780)這類行情較好之外，未有其他特別利好消息放出，畢竟要炒起港股非要靠內地經濟不可，為什麼不再等多十日八日待二十大會期期間、到時可以同歡暢呢，要記得現時這個場已經轉手由中資主導了，始終嗰句：政治同經濟係永遠互相分不開的。
梁健雄
筆者未持有上述股票
編按:作者梁健雄，香港財務策劃人員總工會副理事長，從事金融業逾20年，曾任職多份報章包括英文虎報、南華早報、華爾街日報等後勤製作部工作。《炒股讀心》逢每周四跟讀者分享投資心理。
