上個星期五(11月19日)下半場揀咗隻京東(09618)Call(12581)，諗住博佢入到藍籌，喺上個星期五隻【輪證下半Part】寫時係下半場開始無幾耐，但當時見到股價踩住五分鐘圖條50分鐘線上去，本來諗住等五分鐘圖Slow STC(14,3)落返去超賣時入場，不過成個下晝見京東都係踩住條50分鐘線，最多都係踩住條100分鐘線，出唔出隻(12581)就睇一大家有幾進取啦。
今朝開市徵升7點之後見指數都始刻向下行，但到依家10點2分，指數向下行嘅速度有減慢嘅情況，開五分鐘圖就見到指數被條好窄嘅保歷加通道夾住，明明下方牛證都真係有咁多街貨喺度，聊天室戰友今朝早都開晒淡倉等食牛，咩事都唔向下衝落去殺牛呢？唔係就係因為阿市知道我哋開緊淡倉掛？
牛證街貨有幾貨而令到大家都願意晨咁早開淡倉追跌？今日返嚟首先見到熊證有一層新增街貨，最貼價落到去25300至25399點，而呢度有169張期指。牛證最貼價層為24800至24899點，雖然呢度有相當於800幾張期指走咗，但仲有成804張期指喺度，計計牛熊中間數為25099.5點，開市到依家有無見過指數高過呢個位？又唔可以話無，只能夠話暫時未。
嚟到依家10點15分，終於喺五分鐘圖上見到一 粒接近「射擊之星」嘅嘢，對於出咗淡倉嘅聊天室戰友嚟講可以話係一粒定心丸，當然之後嘅事就之後先算啦；又或者退而求其次，恒指小時圖唔過10小時線(小時圖10線)先算啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
即市聊天室/Patreon：https://www.patreon.com/cbbcwar
FB：https://www.facebook.com/cbbcwar
