噚日貪心鬼想喺下晝再追多轉恒指熊(68263)，要追唔係唔得，但見到保歷加通道一直keep住都係咁窄，所以都只能預咗係爬格仔mode，然後等收市完場。
仍然喺地鐵上等恒指完U盤同等轉車，終於見到恒指開市報出28900點，升100點多啲，五分鐘圖上當然有個靚仔上升裂口出咗嚟啦，只係喺小時圖上似乎仍受20小時線(小時圖 x 10線)阻住；再換埋日線圖出嚟就見到指數仲未破得到100天線(29017點)，下方仲有條20天線(28696點)同50天線(28705點)支持，換言之恒指仍然被三線挾住，SlowSTC(14,3)由此前嘅超買位回落到中軸水平，未見方向。
Day Trader又唔駛睇咁耐嘅，就如老蘭出嚟搵食嗰班絕大部份都唔會玩談婚論嫁一樣。
睇返恒指五分鐘圖，今朝高開之後本以為恒指會向下挫幾下先至踩到個底再去，誰不知踩空氣下再上，上到9點45分至9點55分，五分鐘線上呢段時間出現嗰三粒燭嘅高位，分別係28974點/28979點/28978點，「咁近嘅？」係呀，傳說中嘅「平頂」出現，之後就見指數下行，同步SlowSTC(14,3)都由高位回落，呢個moment只能夠同聊天室嘅戰友講：有好倉嘅考慮收割；但基於目前恒指現價仍然靠近上方熊證，所以出淡倉建議都係用住爬格仔嘅心態行事。
同其中一位戰友傾傾喺澳門出版嘅事，轉個頭都已經10點28分，喺五分鐘圖上已見指數跌埋條保歷加通道中軸，聊天室裡面淡倉爬格仔mode早已啟動，但喺呢度...我怕你睇得嚟件事都已經過晒。
到不如索性等返恒指SlowSTC(14,3)落返去超賣水平並開始見低位回升時，小注出動恒指牛(66658)，收回價28450點，同現價有逾400點差距，62倍槓桿比率都適合DT用。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
秒投輪證教室：https://bit.ly/31HG6AN
