噚日國家隊入市，喺朝早時將恒指一下子抽高，喺Keyboard都打爆嘅情況之下，本以為揀定嘅恒指熊(59389)都係收埋一二角就算，但好彩見到恒指一過29000點之後見五分鐘圖SlowSTC(14,3)超買水平作勢回落，膽粗粗小注入隻(59389)都真係夠肥。
今日恒指再高開逾400點，開市報29255點，熊證第一層29100至29199點全數被收回。到依家9點56分，恒指高開低走中，不過今朝早都叫定聊天室戰友小注一隻恒指熊，做定爬格仔準備；指定動作用五分鐘圖見到最近嘅天線(通常都係50分鐘線(五分鐘圖 X 10線)行先嘅)作為挑機嘅第一版，一過，可以keep；唔過，即時收割兼重新再睇定走勢，睇下反手出唔出得過。
去到依家10點20分，恒指已經一度到跌幾十點，再睇返恒指五分鐘圖已經喺保歷加通道中軸，如前文所指見保歷加通道中軸有支持，首注恒指熊已經完成，再來嘅隨時反手出恒指牛。
的確，恒指呢期好鬼chok，本來打算又喺個股著手，不過，路經恒生科技指數，見恒科指日線圖上出咗個低位疑似「十字星」，而日線圖上見SlowSTC(14,3)兩線都處於超賣至嚴重超賣嘅水平，唯%K線低位已上行升穿%D線，今日都見恒科指回升，只係仍見高開低走中。
恒科牛(58168)，收回價7700點，同現價有近7%距離，做法一樣，都係等五分鐘圖SlowSTC(14,3)回落至超賣水平時先出動。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
