神奇嘅事發生啦!話說今日一返到公司就行去pantry洗個靚手先再開工(疫情嘛~),一入到pantry我就見到坐我隔離街嗰外藉同事(講電話死唔斷氣嗰個)喺度斟水,我嗰心即刻浮出四個英文字(你自己諗啦!);但到依家10點12分,佢一句聲都未出過,而喺呢段時間,我喺聊天室都同大家順利地趁今朝恒指下行時入恒指牛/騰訊(00700)牛,然後10點零收工。
「吓?今日出騰騰牛?咁噚日隻騰訊熊(68224)點呀?」開騰訊五分鐘圖見噚日全日SlowSTC(14,3)都未有上過超買位範圍,就算退一步話喺五分鐘圖上見騰訊股價上到保歷加通道頂就入,但喺除咗下晝1點40分至1點45分到過頂之後就根本都無再上過,咁...又唔駛愁嘅,騰訊今日雖然上行,但技術上仍然處於20天線/保歷加通中軸($592.05)以下水平,下望仍然以50天線($555.13),只係今日星期五,(68224)吼到五分鐘圖出手嘅話,day trade一趟收工也不錯!
依家11點18分,恒指11點到無啦啦爆咗一下,騰訊五分鐘圖SlowSTC(14,3)上到超買啦喎,,打算(68224)走一趟嘅話,係時候落場,小注好啦。
作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。
FB/IG/Patreon/秒投聊天室:輪證贏家