可能因為我太愛我家老爺,廢事燈死佢嘅至愛,所以到最後我無買到利物浦;今朝起身開電視睇新聞,就見到利物浦贏波,不過老爺話係人哋擺烏龍,自已入自已籠門先至有一球進賬,車...
今朝天氣同噚日一樣咁清涼,好似話聽日有個風又到,天文台仲話諗住出個一號風球,不過今朝恒指一早打晒風,事關開市跌58點之後,到正式開市後,喺五分鐘圖上見到嗰支陰燭真係大過條司華力腸,回一回之後再次向下,截至依家為止,見到恒指五分鐘圖喺今朝早大約9點40分時做過低位24559點,回升少少過後,及至約10點25分低位做過24556點,分鐘圖上見到「雙底」都真係值得用高槓桿牛追入做即日DT(隨時一個朝早就收工),室們友全部都準備就緒啦。
當室們友入好晒恒指牛,等五分鐘「雙底」破頂線向上衝開餐時,我又可以專心搵其他個股玩,搵搵下又搵到隻聯想(00992),呢個名真係好耐都無聽過。
揀聯想唔係因為佢有新嘢出或者有咩驚天動地嘅消息,純粹只係見佢日線圖SlowSTC(14,3)處於2X呢個位時,竟然%K線有力回升%D線,仲畫到個「三角形」出嚟添;不過,見佢依家頭頂仲有條20天線($5.115)同50天線($5.098)阻住,都係bookmark住先啦。
至於bookmark咗兩日嘅石藥(01093),又變咗樣lu...,remove from watchlist la!
By the way,please do not提me about the 建行(00939)!唉,激氣。
作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。
FB/IG/Patreon/秒投聊天室:輪證贏家