美股上周五表現反覆，三大指數早段跌至支持位後反彈，不過反映中概股嘅金龍中國指數收市跌0.86%，表現落後其他主要指數，港股今日回軟。恒指上周累計反彈逾800點後，今日回吐近半升幅。恒指低開108點後，跌幅曾收窄至74點，見20642半日高位，但其後只見沽壓漸增，半日最多跌408點，見20308半日低位，一下就劏咗20300至20500嘅新增牛證重貨區。不過20日線(20281)似乎有支持，半日跌幅略為收窄至389點，報20328；國指則跌155點，報6965；恒科技跌134點，半日報收4150。半日成交592.6億元，講真沽壓又唔算好大，只係無買盤吸納，買賣兩閒，大市自然疲軟。
藍籌股大部份腳軟，友邦(01299)明日除淨，未見好息之徒打算搶息，半日跌3.2%；其他金融股亦普遍下跌。雖然上周人民下調LPR幅度較預期大，不過內房股升勢未見維持，華潤置地(01109)、中國海外(00688)跟碧桂園(02007)幾集內房藍籌股都跟隨大市下跌。中資通訊股則靠穩，中移動(00941)跟聯通(00762)無起跌。相反油價靠穩，中海油(00883)半日升1.4%，係表現最佳藍籌股；而阿里健康(00241)半日跌8.6%，藍籌之中跑第尾。
科技股今日普遍偏軟，阿里(09988)呢個星期四派成績表，預期業績倒退，股價半日跌逾4%；而明日派成績表嘅快手(01024)預咗未有耐有錢賺，股價半日跌6.7%，至於TMXJ只有京東(09618)半日靠穩，微升0.2%，騰訊(00700)、小米(01810)半日跌逾2%；美團(03690)半日則跌3.9%。雖然上海疫情開始受控，將逐步解封，但北京則出台四項措施進一步加強社會面疫情防控。內而無論係消費股抑或餐飲股，普遍走軟，跌幅由至少2%至超過7%不等。
上周五恒指服務公司公布季檢結果，下月起新增四隻恒生指數成份股，包括東方海外(00316)、中芯(00981)、中升(00881)及宏橋(01378)，其中較為意外嘅東方海外跟宏橋，半日升逾6%，而之前一直被視為熱門嘅中芯跟中升，分別升2.1%及0.4%。阿Man就唔多建議追入藍籌新貴，一來新指數成份股仲有大半個月先生效，二來睇返近年成為藍籌嘅股份，被納入指數成份股後，股價一直走下坡，至怕依家追貨又係摸頂。而瑞聲(02018)近年表現強差人意，一直被熱為踢出成份股嘅熱門之選，今次終於被踢出藍籌之列，股價半日跌6.3%。而其他指數有變動嘅股份，獲新納入指數嘅新貴表現麻麻，而遭剔除嘅成份股則難逃一跌。雖然上海疫情開始受控，將逐步解封，但北京則出台四項措施進一步加強社會面疫情防控。內而無論係消費股抑或餐飲股，普遍走軟，跌幅由至少2%至超過7%不等。
港股表現仍然反覆，暫時維持上落市格局，始終成交未見增加，上升動力自然受限，但阿爺呢段時間就間中出口術維穩，大市又唔係好跌得落。阿Man就維持原判，港股暫時都係上落市，望就望20000點企得穩，咁只要外圍彈返啲配合，港股進一步反彈至20800至21000點仍有可能。
麥狄文
(徐狄怡‧證監會持牌人)
