個市靜過鬼，都唔能夠完全歸咎於百威亞太(01876)抽走資金，本身不少基金經理對中美貿談前景唔睇好，甚至考慮埋近期香港政局發展，面對如此局面，話炒股唔炒市真係無錯，操作強勢物管股、估值仍吸引之盈喜股是上策。
市傳百威以下限定價，對散戶是好事，輪商亦磨拳擦掌，預計百威窩輪幾乎可以與正股於下周五同步上市，到時個市應該比較熱鬧。
說回大市，近日指數反彈欠說服力，EJFQ「詳細行業動力上升數目」昨日反而減少，恒指即使昨日升逾兩百點，今早升逾百點，日線圖的拋物線SAR仍然向淡。港股短期膠著，7月4日高位29007點亦是半年以來主要的成交量密集區，真係唔知幾時可以有機會玩番恒指輪證。
羅崇博 (杜比)
