上任半年的監警會主席王沛詩會見傳媒，被問到接任港大校委會主席傳聞，她未有直接否認說法，表示如有大問題將不會擔任，但若覺得自己可以貢獻便會盡量做好。
王沛詩被問到如擔任多項公職，其立場問題及會否感到吃力等，王表示今天主題應是監警會而非港大，但多謝傳媒關心。她強調自己立場是要「serve香港、獨立公平公正，做大學都係本住呢個心，完全冇抵觸」。
王沛詩亦形容，每個香港人都工作忙碌，「做幾十年工大家都有好多工作喺手，如果係大問題我唔會做」，但重申自己已擔任公職多年，「如果我係覺得自己做到、有得貢獻，我會盡量做，因為香港係我屋企，係榮幸亦都係責任」。
對於早前有網民舉報、有警員涉以委任證恐嚇網店盡快發貨，王稱如有個案將嚴肅處理，但由於沒有收到相關投訴，因此不會妄下判斷以免不公道，指應由事主向投訴警察課投訴，否則不需監警會機制處理。
