噚日出咗隻恒指熊(57394)，喺【輪證下半Part】講到小時圖上見Slow STC(14,3)兩線已經落到超賣至嚴重超賣水平時，如果見到%K線上破%D線的話，咁(57394)就要走人。
睇返小時圖，喺噚日最後嗰一個鐘頭就見到Slow STC(14,3)%K線上破%D線，就係最後呢個鐘裡面(57394)高低位0.117元/0.102元計，平均沽價貨為0.1095元，對比噚日平均買入0.082元，感謝恒指願意喺入淡倉時跌逾500點，令呢一注有33.5%賺幅。
依家9點57分，今朝幫我家肥貓洗咗兩張墊搞到佢周身唔眾財，終於安頓好佢之後，忽然屋企死Wifi，又再研究完一輪之後(離不開都係開同閂機再connect)，已經搞到差唔多10點，連我家老爺今日都遲出門口返工，恒指呢個時候已經彈咗成300幾點，重上26000點水平。喺五分鐘圖上Slow STC(14,3)已經由噚日嘅超賣位彈返上嚴重超買範圍。既然係咁，索性睇埋個牛熊證街貨圖先再算。
今日喺街貨圖上見到熊證有四層新增街貨，最貼價落返去26100至26199點，呢度有相當於252張期指，至於牛證方面，最貼價仍然係25600至25699點，有相當於235張期指，以恒指現價計，中間位都慳返，截至10點2分止，恒指最高做過26145點，換言之佢曾經踩過入第一層熊證。
睇返個小時圖，見到Slow STC(14,3)兩線由此前嘅嚴重超賣水平上返去20至30幾呢個位，今日小時圖上嘅第二粒燭都出現，不過暫時仲未上破得到保歷加通道中軸。望返個五分鐘圖，見指數上到接近750分鐘線(五分鐘圖150線)之後遇阻回落，Slow STC(14,3)今朝搶到咁高都真係辛苦晒啦，恒指牛(65114)，收回價25500點，有約49倍槓桿夠DT用，今日個市有啲要搶好倉嘅情況，喺五分鐘圖上50分鐘線(五分鐘10線)有支持的話，可以先搶(65114)一趟；如果又係預咗下午市況有啲悶，保歷加通道收窄令指數同啲天線都夾埋一齊，好易就被到50分鐘線或100分鐘線(五分鐘20線)的話，就用返Slow STC(14,3)做Swing Trade啦。呢注好倉只係博指數喺小時圖上可以上破返條保歷加通道中軸，同時用Slow STC(14,3)做Swing Trade。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
