市場小姐：「大鑊啦，你睇咗新聞未，香港有病毒變種啦。」
佛系男淡淡反問「所以你唔打算出街？」
市場小姐繼續講：「你仲叫人買廣深鐵路？都唔知幾時先有得通關。香港市政府抗疫咁渣，澳門阿一都話要睇定啲，阿爺睬你都傻啦！」
佛系男邊讀報紙邊想：當銀娛(00027)在疫情期間創新高，而香港一眾酒店食肆股仍在谷底，果然財經與政治有密切關係。現況就是澳門的政「得治」，而香港的政「不得治」。在阿爺眼中又何嘗不是如此。誰知哪年哪日，港元要倒過來向澳門元掛勾。
話說回頭，通關與否是遲早的事，既然股價未動，佛系男索性變佛像男，面帶微笑，靜心等待就是。佛系男看好廣深鐵路(00525)及冠忠(00306)，除了通關概念，還有業務超強可持續的特性。
同樣做交通，本地薑載通(00062)就是最佳佛系股了。除港鐵(00066)外，載通擁本地最大交通網絡。現價大約16元，折讓四成半、派息穩定、波動細。最最最緊要係，國情話我知，公共交通與國家安全有非常直接關係，而我不知道國內有哪個交通網絡不是國家資產。就這一點，載通已有染紅因子。國企出手一向闊綽。買載通好比買唐樓咁，閒來收下租，一朝有發展商收購就發個大財了。
另一隻本地交通股，進智公共交通(00077)就是另一個story。香港依山而建又多橫街小巷，小巴是輔助性質，如果唔係咁，小巴行業一早被趕盡殺絕了。君不見小巴佬嘈加座位嘈了多少年才得逞？政府有心唔畀你發圍，也只能夠吹脹。
至於港鐵(00066)？無折讓、股息少、又無染紅因素。（因為佢本身就好夠紅！）
梁樹德
筆者先後修習哲學、心理學、經濟學、企業管治和工商管理等碩士課程，在證券分析、企業戰略計劃、投資者關係工作及財富管理等方面有豐富經驗。在亂世末法的此岸，奉經論典籍為圭臬，心若浮沉，淺笑安然。筆者是證監會持牌人。
(編按:《佛系股評》將會逢周二市前上載於信報網站)
