新盤減價奏效，刺激整體睇樓氣氛。中原地產10大屋苑周六和周日錄得333個預約睇樓，按周回升4.7%，但仍屬低水平。
中原地產亞太區副主席兼住宅部總裁陳永傑表示，新盤以低價搶攻奏效，市場上剛性需求不減，一手銷情理想，刺激整體睇樓氣氛。部分向隅人士開始回流二手，主力尋覓筍盤入市，若業主提供合理議價空間，單位亦有承接。不過，短期內市場仍以一手主導，二手難免受壓，交投量持續在低位徘徊。
據美聯物業分行統計，周六和周日15個指標屋苑暫錄約302個預約睇樓，按周微升1.7%，終止5連跌；其中，九龍區多個屋苑反而在新盤帶動下錄得升幅。
美聯物業住宅部行政總裁(港澳)布少明表示，油塘親海駅II熱賣，刺激購買力釋放。周日親海駅I亦全數推售，市場反應熱烈。另外，凱柏峰III亦首個周末開放示位及收票，新盤市場氣氛亦帶動周末日多區屋苑預約睇樓量增加，並且趁機物色筍盤。
利嘉閣地產研究部數據估算，全港50個指標屋苑共錄835個客戶於周六日預約睇樓，按周上升2.5%，終止七連跌。
利嘉閣地產研究部主管陳海潮表示，低價新盤反應熱烈，同時為市場積累一批向隅客，在新一輪開賣前選擇回流二手市場尋寶，周末日二手指標屋苑預約睇樓量止跌回升。
