俄烏局勢仍然緊張之際，美國強勁嘅經濟數據，令市場對通脹加劇升溫憂慮，隔晚美股急回，三大指數低收，標指更創近月最大單日跌幅。不過內地股市今早低開高走，帶動港股裂口低開後跌幅收窄，10日線總算失而復得。
恒指低開303點，跌幅一度擴大至438點，見21558半日低位，其後A股倒升，港股跌幅收窄並成功收復10日線，跌幅曾收窄至75點，見21921半日高位，但至中午收市前跌幅略為擴大。半日恒指報收21837點，159點；國指跌58點，報收7467；恒科指跌78點，報4479。北水自噚日開始暫停至下周三回復正常，半日成日交縮減至不足500億元，只有497.63億元。
藍籌股個別發展，重磅股多數跌，雖然中石油(00857)去年盈利勁升三倍幾四倍，加上市場憂慮經濟或陷入衰退，但油價似乎已見頂，中石油股價半日仍跌2.5%。以乎好嘅業績亦未能帶動股價上升，受惠疫苗銷售增加，中國生物製藥(01177)去年多賺4.3倍，但股價半日跌8.2%，成為表現最差藍籌。金融股表現較好，建行(00939)跟工行(01398)，甚至友邦(01299)半日逆市微升。申洲(02313)爆冷半日升3.4%，升幅最大藍籌。
中概股繼續波動，美國證交會SEC對於中概股有關審計標準未有讓步，被列入除牌名單股份之一嘅百度(09888)未有止瀉，半日再跌6%；其他科網股表現偏軟，跌幅由0.5%至4%不等。手設股表現繼續疲弱，加上有最強蘋果分析員之稱嘅天風國際分析師郭明錤，指今年內地已大幅削減兩成Android機訂單，手機股受壓。相關股份下跌，跌幅由0.5%至6%不等。
市場憂慮經濟衰退，油價難以長期處於高位，航運股借機炒上，不過阿Man認為航運價格跟油價一樣已見咗頂，雖然可以喺高位運行，但下半年難以如去年一樣扶遙直上，航運股已價已反映高運貴因素，今年餘下時間，可能只有波幅，難以再有可觀升幅。
暫時大市結算過後，喺22000水平幾百點上落，先作整固，加上北水假期，預期今日都係悶局一場，雖然目前走勢大市唔見得要大幅回落，但喺成交未見配合下，亦缺乏動力向上，或陷入膠著狀態，待下周北水回歸，大市方能有較明確方向。
麥狄文
(徐狄怡‧證監會持牌人)
