都話當一個人黑起上嚟真係有條路，噚日隻以進取方法落隻恒指熊(54707)小輸3.6%離場後；反而用安全策略出擊的話有得贏，喺FB上面都有讀者同我講話尾市落緊，唉，正如早兩日所講「放心啦，有時人一黑起上嚟，放咗就嚟升架啦！」，依家再嚟多劑，就嚟有一種「我不入地獄，誰入地獄」嘅感覺啦。
話說噚日喺聊天室尾市時畫咗個「小雙底」出嚟，可恨指數喺收市前都仲未上破到頸線，而Slow STC(14,3)企咗中軸位，好倉博過夜只能膽大注細，還好今朝恒指高開升逾300幾點，至正式開市之後升幅擴大至升逾500點，已知有好倉過嘅戰友一早提定可以收割瞓個靚覺，接住嘅就睇下指數仲會唔會向上再彈，反正現價已經企喺熊證街貨層。
通常呢啲時侯一係等指數回返落嚟，落到50分鐘線(五分鐘圖10線)附近睇下有無力，然後再出好定淡；就趁呢個時間先快手望咗個街貨圖先。如上文所指恒指目前已經企咗喺熊證街貨層，最貼價24300至243699點，同埋第二層24400至24499點已經全數死亡，呢兩層夾埋有相當於548張期指街貨，而重貨區就擺咗喺24700至24799點，呢度有相當於1292張期指，但如果要指數彈到上呢一層的話，以目前(9點47分)恒指報24478點，升512點計，即恒指要再多222點先至24700點，咁即係總升幅要有734點咁多先得...得唔得...又唔係未見過恒指升至逾700幾點呢個數，只係真係唔太常見啫。
依家9點51分，恒指仲係靠住高位橫行，24500點雖然破過但目前仲未可以叫做企返穩，五分鐘圖上50分鐘線同恒指目前仍然有啲距離，不過，去到10點4分時已經見到指數有高位回落嘅情況，兩線處於90以上嘅Slow STC(14,3)都開始見%K線穿%D線(數值上)，偷位出淡倉博向下望返落50分鐘線係DT嘅出手時間；一旦見50分鐘線有支持，推返恒指上去的話，恒指牛(55294)，收回價24000點，有約42倍槓桿，夠DT用；否則，恒指熊(66960)，收回價25000點，約37倍槓桿都夠即日鮮玩。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
聊天室/Patreon：https://www.patreon.com/cbbcwar
Facebook：https://www.facebook.com/cbbcwar
