昨晚聯儲局官員支持盡快啟動減少買債，令納指創新高也回吐，但只喺小事一樁，因為聯儲局唔喺由昨晚三位官員揸莊，真正喺要睇鮑威爾今晚在Jackson Hole講乜。
估鮑威爾草草交差
不過，鮑威爾淆低居多，因為疫情正在擴大，大家睇到十年美債挾到1.35厘樓上已經無力再上，估計鮑威爾會將上個月議息聲明再讀多一次，但字眼上加強多少少，草草交差了事。
就算聯儲局收水，也唔等於股市玩完，一來收水是分階段性，即慢慢閂水喉，唔喺制水年代，樓上大叫閂水喉，樓下單位即閂掣，更何況拜登基數萬億基建方案墊底，唔好唔記得民主黨執正下，股市唔會衰得去邊。
美股創新高，但其實好多二至五線股走勢衰到不得了，只是大型股、基建股頂住，契媽鍾情的Zillow(Z)、OpenDoo(OPEN)r、Teladoc Health(TDOC)，大多依然無起色，幸好近期看到個別發夢股走勢有好轉，例如網絡安全股CrowdStrike(CRWD)、Cloudflare(NET)及巴郡持股的Snowflake(Snow)。
網絡安全雲計算生科股只宜揸ETF
雖然知道網絡安全、雲計算、醫藥生物行業越來越重要，若閣下不是行業專才，單憑睇咗幾份大行報告，識咗一大堆專業名詞，以為好熟行業發展，其實是大錯特錯。
首先上述公司大多是B2B，即喺公司對公司，其次上述行業大多無實物，散戶捉不到亦聽不見，最終成件事根本喺撲朔迷離，究竟邊隻會跑出、現處行業高定低位，根本不能睇咗所謂數份大行報告去理解，尤其上述公司風險好大，基金大多以一藍子部署，作為散戶根本無可能，故此極度推介上述行業以ETF操作。
AECOM估值貼地
除了上述行業外，美股可考慮吼吓基建股，始終美國基建落後，拜登掟出數萬億美元基建振興方案，基建股最終會成為最大受惠者，基建股中可留意吓隻建築顧問公司AECOM(ACM)。
集團業務涉及交通、建築、環保及新能源領域，當中上財季53%收入來自美國，東亞及歐洲地區則分別佔20%和21%，上財季每股盈利升33%至73美仙，而市場預期2021及2022財年市盈率分別23.4倍和20倍，估值也絶不離地。
拜登基建方案中，其中一項主打大力發展電動車，尤其相關充電設施，AECOM正正食正呢個概念，因AECOM業務包括電網現代化及設施開發，尤其公共及車隊基礎電力設施，當中包括已為洛杉磯巴士設置中轉電力設施等等。
昨晚ACM股價跟大市回落，若回到50天線(現處62.6美元)附近，是吸納好時機，首站睇5月10日高位70.04美元，升穿後將再調高目標，但失守200天線(現處59.4美元)止蝕。
作者尹德政(Ricky)，醉心投資美股近十載，最大滿足感來自尋找抵買有實力的世界行業領袖，每逢周三、五在「信報網站」及「港股360」撰文，另每逢周二在《信報》撰寫「美股歷奇」。
（編者按：信報分析團隊羅崇博、尹德政、陳鎮強最新著作《勢在必行：活用全方位價值趨勢信號》現已發售）
歡迎訂購實體書 電子書：https://bit.ly/ejbook141
