先補祝各位父親唔止喺父親節快樂，應該係日日都要快樂！
今朝起身睇新聞，見到右下角loop住亞股指數，去到日經時見到跌600幾點，斟完杯咖啡之後跌幅擴大至700幾點，到臨出門口再望多眼，見到跌幅又再擴大至跌800幾點，市場有指係擔心美國聯儲局提早「收水」，亦都有話係因為東京奧運前夕，參賽者開始陸續抵達當地，擔心會令日本有再次爆發新一輪疫情風險。
Anyway，見到亞股咁嘅鬼樣，港股都難獨善其身，今朝早做完U盤之後都喺聊天室同大家講可以開定個淡倉。
截至依家9點57分，港股都已經隨亞股向下且比今朝開市跌幅略為擴大，恒指做緊28455點，跌345點，喺五分鐘圖上見到一個好「齊心」嘅走勢，就係今朝早首五粒陰陽燭，無論係陰燭還是陽燭，大家高位都係喺28500點，呢個低位「平頂」嘅出現更令聊天室開淡倉爬格仔嘅策略方向正確；再加上Slow STC(14,3)兩線目前於超賣水平向仍然向下中，呢一注淡倉估計聊天室戰友應該問題不大。
遠少少望返個小時圖，上個星期五(6月18日)指數上破保歷加通道中軸後，一直向上運行，而Slow STC(14,3)收市時上兩線上到嚴重超買位置，走勢圖於偏高位水平出現「吊頸」物體，今朝一開指數重返保歷加下降通道，依家10點05分，小時圖第二支燭暫呈「T星」，不過，Slow STC(14,3)仍然高位回落中。
返過去再睇返恒指五分鐘圖，見指數開始由之前見嘅「平頂」慢慢行變成「楔形」，「楔形」有待變嘅意思，同時都睇住上方50分鐘線(五分鐘圖10線)向下準備與指數相滙，是支持還是阻力？
等緊條50分鐘線時望望牛熊證街貨圖，見到下方牛證有三層新增街貨層，最貼價嗰兩層28500至28599點同埋28400至28499點嘅牛證全數被收回，街貨唔多，只係得相當於65張期指，以恒指依家(10點13分)報28549點，跌253點，咦？彈得返上去喎，換言之五分鐘圖上嘅50分鐘線無做到阻力喎，亦即係話「楔形」待變完成係向上爆上喎。
恒指牛(63122)，收回價27950點，同現價有逾500點差距，逾63倍槓桿夠做Day trade；小心10分鐘圖上條1000分鐘線(10分鐘線100線)啦。
題外話，有讀者問：喂！你啲圖同文好似有啲唔齊全咁嘅，拼唔返啲圖同內文喎。Well，需知道每個地方上文上圖係有限制，最無限制而你又可以圖文並茂睇得明嘅話，去Patreon啦，【輪證贏家】同【輪證下半Part】喺Patreon唔駛你課金，但相信你會明好多。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
秒投聊天室：https://bit.ly/31HG6AN
