噚日好多朋友都問我生日點過， Well，首先收到前老細Ivan(一般我哋會稱佢為「焚爺」)嘅Whatspp祝福(多謝焚爺記得我生日)；收市後落咗最近嘅捐血站捐血，得到生日捐血章為自已成就解鎖(好似正日去先有)；返屋企途中收到隔離街【帶眼識股】版主強少嘅生日文；喺屋企附近買完嘢之後就返屋企，等我家老爺放工返嚟煮飯食。係呀，就係咁簡單咋。
依家9點11分，恒指行緊U盤，望望月曆今日星期四，下個星期一就已經係5月，即係今日係期結日，雖觕無話期結日個市一定會造好，只係十次有八次都係升市咁解啫。
市未開就睇咗恒指牛熊證街貨圖，見到今日有一層新增牛證，最貼價上移至28800至28899點，街貨量唔多，得相當於24張期指；至於熊證最貼價層仍然係29100至29199點，呢度有相當於39張期指。如果以最近嗰五層街貨量計，熊證首五層合夾有相當於2353張期指街貨，而牛證則有1731張期指街貨，相差622張，都真係上行有吸引力嘅。
終於等到完U盤，開升19X點，上到29200點以上，換言之恒指選擇上行殺熊，29100至29199點嘅熊證全數死亡，本以為指數搶到咁高，SlowSTC(14,3)都應該會搶高至超買位，到正式開市後不消兩個會回又見高開低走，但開五分鐘圖上條SlowSTC914,3)搶到上中軸水平咋喎，過多陣高位見29302點，即第二層熊證29200至29299點都死埋，呢度有相當於294張期指。
恒指喺期結日咁升得，八掛睇返日線圖，見到指數今日終於土昂升穿咗50天線(29118點)，SlowSTC(14,3)兩線明顯上行中，破位的確令人興奮，仲要破咗個OK大型嘅「三角形」，恒指牛(52072)，收回價28848點，同現價有逾400點差距，唔好講玩笑，都有約100倍槓桿架，有成400點差距又驚咩呢？等恒指五分鐘圖SlowSTC(14,3)回落時先至出手架嘛。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
