今朝返到公司，見呢層最高領導人喺房，就趁呢個機會同佢交代咗啲事。
喺大小姐間房出返嚟之後，就見到個世界唔同晒，講緊喺恒指個世界，明明今朝早喺巴士時見恒指裂口低開後回升，SlowSTC(14,3)都違反地心吸力，倒升上29100點以上水平。本身上星期五(3月19日)恒指五分鐘圖SlowSTC(14,3)上到90以上超買水平，所以朝早都有喺聊天室度叫戰友們開恒指熊，結果無啦啦咁被佢捱咗一棍；但到依家10點59分，恒指再次見紅，似乎捱都捱得有價值。
望望月曆，今個星期三(24日)騰訊(00700)業績就殺到埋身，今日見騰訊股價都chok高咗一下之後再回；而喺日線圖上見今日又係喺100天線($632.28)附近游走，而頭頂條10天線($641.75)則愈嚟愈低，上星期有畫過騰訊日線圖上出咗個「平底三角形」出嚟，而底線就相當於100天線，頂線就相當於10天線，「平底三角形」有待變嘅味道，只係再望望條SlowSTC(14,3)，雖然目前處於超賣水平，且%K線高於%D線，不過勢頭未見呈上，騰訊Call(23037)，行使價$640.48，價外1.5%，成交活躍、低街貨，怕且就算今日吼得到五分鐘SlowSTC(14,3)超賣位落場，都仲要守幾日。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
