今日年初五，祝各位新年進步！事事順利！股運亨通！三財入庫！最緊要身體健康！
港股喺牛年首個交易日開出紅盤，勁升502點，開市報30675點；放假前有喺聊天室放低隻恒指Call比大家揸過年博開紅盤，有出手嘅戰友今朝應該幫自已攞個頭彩啦。
回顧返上個星期四(2月11日)年三十嘅半日市。本身有注吉利(00175)Call(28502)，打算吼佢日線圖出「雙底」後會過頸線，誰不知上個星期四咁大支陰燭殺落嚟都嚇一嚇，於是拿拿聲搵返隻恒指牛(52600)出嚟，諗住day trade一注幫(28502)，喺當日朝早9點45分至9點55分見恒指五分鐘圖SlowSTC(14,3)落到超賣時入場，當時(52600)高低位計平均價$0.0595。
誰不知恒指就係呢一下低走過後就愈升愈有，結果喺10點50分打後，五分鐘圖SlowSTC(14,3)已經由超賣重返超買水平，仲橫行直至完場。按上星期四朝早10點55分至12點正五分鐘圖SlowSTC(14,3)處於嚴重超買水平，(52600)其內高低位計平均價$0.0695，換言之呢一隻(52600)day trade計有16.8%落袋。
由於吉利五分鐘圖SlowSTC(14,3)走勢同恒指幾乎一樣，所以(28502)都係喺星期四見五分鐘圖SlowSTC(14,3)上返超買走人。當日五分鐘圖SlowSTC(14,3)喺10點55分至半日收市計都處超買位，(28502)高低位計平均價為$0.335，比起上周三(10日)嘅平均價入價輸4.29%，但都被(52600)嘅賺幅完全cover到；當然啦，如果兩隻都揸到過年嘅話就梗係肥到餘下個2月都可以慳返唔駛做trade啦...都話呢個世界永遠都係有早知，無乞衣。
依家10點40分，恒指高開低走都預咗，反正揸過年Call已經一早收割；只不過今朝博恒指高開走出熊證有啲難度，最後換咗騰訊(00700)同美團(03690)嘅淡倉出動。
如果用呢兩隻秤嘅話，邊隻淡倉會有信心啲？純以走勢圖計，美團日線暫呈「烏雲蓋頂」+小時圖SlowSTC(14,3)依家先至喺超買位下行中。明白到五分鐘圖上SlowSTC(14,3)已經出現咗超賣再超賣，同步見有500分鐘線(5 x 100線)做支持，不過50分鐘線(5 x 10線)都做緊佢阻力呀！唯一出到場嘅就只係吼佢五分鐘圖回返上去時先出美團熊(52348)，收回價$500，同現價有逾13%差距，安全之選，小注好啦。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
