早幾日天文台講過今個星期二同三都會落雨，尤其今日；一早起身窗簾都未開已經feel到出面個天黑晒，仲落好大好密雨；不過恒指就火辣辣，喺無北水嘅第二日開市升320點，報29796點，由近牛證街貨彈升至近熊證街貨，仲隨時殺埋29700至29799點嘅417張期做早餐。
至於噚日隻思摩爾(06969)，今日隨市上行，日線圖上見升穿10天線($76.72)及20天線($76.71)，而噚日隻(12326)，基於係用小時圖做Trade，所以開返個小時圖就見到SlowSTC(14,3)企得住條20小時線(1 x 20小時線)之餘，SlowSTC(14,3)依家(截至9點39分)上到80以上超買範，不過見恒指截至依家呈高開低走，思摩爾無北水撐住都只好跟恒指走，還趁小時圖SlowSTC(14,3)上到超買時將隻(12326)沽走算。
噚日喺[下半Part]計過有兩段時段可以買入(12326)，兩次嘅平均買入價為$0.2015同$0.20，若以上文所指由開市至9點39分見思摩爾小時圖發出收割訊號，(12326)喺呢段時間輪價高低位$0.209/$0.202，平均沽貨價為0.2055，計落都有四至五格落袋。
以過夜策略計當然唔係一次好好嘅收成，但總算執身彩，事關喺恒指重上30000點之下，思摩爾都逆市下行；幾時都話按策略做事，總會救到你幾次。
依家10點18分，恒指最高做過30042點，將熊證首三層街貨全數殺清，呢度夾埋有相當於967張期指，而最貼價層上移至30000至30099點，有成711張期指，以依家嘅恒指街貨圖計，為第二重貨區。
雖然係咁，但由五分鐘到一路掃到去小時圖都見恒指有低位嘅情況，聊天室部份戰都都率先出恒指熊試水溫，喺年廿九收市時恒指企唔企得穩30000點以上？拭目以待。
但係如果你話手痕想出注恒指熊落返一百幾十點嚟準備過年嘅話，恒指熊(51259)，收回價30600點，槓桿比率約29.88倍，揀遠啲安全啲，不過今次用30分鐘圖做trade，等SlowSTC(14,3)出高位回落時先好進場，「唔用五分鐘啦？」一來五分鐘圖今日Chok，追得到用SlowSTC(14,3)做Swing trade的話當然無問題；第二係喺30分鐘圖見到高位「十字星」，只係SlowSTC(14,3)未見確認轉勢，忍下啦。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
