咩都唔好講住，有單嘢記住喺個腦度幾日，偏偏噚日斷咗片，今朝先醒起，就係一位既是讀者，亦係朋友嘅Walter Wong喺剛剛嘅星期日終於排除限聚同疫情嘅萬難，同佢女友拉埋天窗。祝你新婚快樂！還好接住過，記得派利是呀！
睇返個市，依家9點55分，恒指今朝開市報29442點，升123點，開市後恒指升幅一度收窄，至依家再擴大番；不過，今日喺沒有北水嘅第一日，恒指今日波幅會得返幾多？心中有數。
過多大約半個鐘到，恒指仍然喺嗰154點之間上上落落，喺五分鐘圖上已經可以畫得到一個「三角形」出嚟，行「三角形」真係好麻煩，爆單邊完全無得估，就算你話用其他輔助指標去睇都好，隨時都可以後抽完之後反方向爆，就好似之前畫嘅小米(01810)「三角形」一樣。
於是，唯有向個股出發，但搵嚟搵去，都只係搵到啲冷門嘢，例如早幾日先新登場嘅underlying思摩爾(06969)，今朝早喺聊天室有同戰友們交代一聲可以開Call，雖然日線圖見思摩爾目前處於20天線以下水平，SlowSTC(14,3)都仲未見轉勢；但喺小時圖上喺完全另一個世界，所以可以用小時圖Day trade隻思摩Call(12326)，行使價$80.8，雖然有9.12%價外但已經揀到貼，低引伸，槓桿適中同低街貨當然係呢隻Call嘅賣點之一啦。
不過，喺五分鐘圖上見思摩爾已經今朝低開後踩住50分鐘線上行，至依家見SlowSTC(14,3)兩線處於90以上水平，唯有等佢條SlowSTC(14,3)回返落嚟先再算啦。
至於噚日冷吼嘅華潤置地(01109)，要留意日線圖上見50天線做咗阻力；不過，更重要嘅係噚日只係得下晝3點35分附近見SlowSTC(14,3)落到超賣位，呢個位入市嘅話好大機會要過夜，都講到明paper trade手痕玩下就算，let go la。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
