今朝7點5分收到message話北角東發大廈解封，不過一單確診個案都無；然後到9點20分，恒指隨外圍造好，開市升逾200，將始前三連跌解封，不過到依家10點2分，恒指開市後一度升幅擴大至升逾300點，但其後升幅收窄，至10點5分升127點，做緊28678點。
依家10點23分，我老細問完我兩隻佢心水同佢嘅老細心水股票之後，恒指似乎今日都係向下發展為主，都係嘅，事關之前都見過唔少技術分析 VS 街貨圖，最後都係街貨贏嘅事情發生。喺恒指都係指牛熊證街貨上見到即使熊證有兩層新增街貨層，但最貼價都只係追到落去29400至29499點，仲要得128張期指。至於牛證最貼價層為28400至28499點，有相當於707張期指，第二層28300至28399點仲係重貨區(又係第二層就重貨區)，有相當於847張期指。風水輪流轉，還記得早兩個星期前恒指現價貼近重熊，仲係往往第二層就已經係重貨區；但如今成個恒指牛熊證貨街貨上下倒轉咁。
股市係咁架啦，上上落落；落緊嘅咪一係順勢追住個勢去做，就如今朝喺聊天室開恒指熊一樣；但落到某一個位都終有停嘅一日，所以喺跌市中會捉殘爆股博反彈一樣，就好似友邦保險(01299)。
友邦喺今年1月12日正式上變身「紅底股」，唯於上周三(1月20日)高位出「身懷六甲」後下行，至今形成短期「下降通道」，計及至依家10點49分叫做有條50天線($94.087)支持住，而下方SlowSTC(14,3)都已經由此前嚴重超買水平回落到超賣範圍，目前唯一要小心嘅係10天線($101.45)向下走作勢跌穿20天線($100.59)出「短期死亡交叉」；BTW，佢小時圖都超賣再超賣咗好耐。
雖然友邦價殘，但由於低位回升訊號仲未出現，所以現時都係Bookmark住隻友邦先啦，到有買入訊號時再出手都唔遲。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
