嘿！醜嘅唔靈好嘅靈！依家10點正，聊天室開始活躍，一班淡友又再次出動DT恒指熊，應該不消半個鐘又反手出恒牛；至於我就繼續「老散的自我修養」中，兼繼續為噚日定前日被我手刃嘅友邦Put(27881)而默哀/韱悔(是但啦)。
繼續觀察隻中移(00941)，其實今朝恒指係升19點開市之後就掉頭向下，而中移今朝就直情低開就算，計到依家10點11分，中移出現五連跌，日線圖上SlowSTC(14,3)%K線已經落到個位數字嘅嚴重超賣水平，依家等嘅就係等條%D線進一步向下，所以目前中移只能繼續觀察。
搵咗一陣都唔覺個股有咩好玩，比較似樣嘅都只係得隻騰訊(00700)，日線圖見今日完全處於保歷加中軸以下，即騰訊由保歷加上升通道跌至保歷加下降通道，同步見SlowSTC(14,3)%K線跌穿%D線，只不過現水平只係接近50嘅中軸位置，下方再度量支持就要數到保歷加通道底部($551.79)，以我目前咁嘅弱勢走去開騰訊淡倉？我都paper trade住隻騰訊熊(68210)，收回價$615，同現價有5.3%差距，跟住用小時圖嘅保歷加中軸(10點32分Mark見$591.05)做止蝕...小心呀，呢注只係「老散的自我修養」出關task嚟架咋。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon/秒投聊天室：輪證贏家
