上個星期見到恒指日線圖又高開低走，又疑似「十字星」咁，於是就出隻恒指熊出嚟，不過，上星期五(11月6日)恒指嘅走勢猶如植物人一樣，得條SlowSTC(14,3)有啲起伏，菢蛋菢到無乜心機之下就放走熊仔，當無事發生過；至於喺[下半part]更加手多嘅吉利(00175)Put，都好彩只係paper trade啫，強勢股捉轉勢係要小心啲好。
依家10點40分，恒指開市後一個鐘鬆啲，恒指今朝早高開444點，報26157點，開市後再向上爬多幾步，上到16170點就開始回落，都合理嘅，事關喺恒指5分鐘SlowSTC(14,3)都已經被今朝搶高嗰吓上到超買水平，不過，大市都只係回落到26000點附近就止步，喺2599X至2600X呢啲位浮沉咗好耐；如果按輔助指標嚟講，今朝Day Trade開完恒熊之後，指數橫行但SlowSTC(14,3)回落至目前先超賣至中軸水平，唔道係叫我等條SlowSTC(14,3)落到超買先至反手出牛，然後再等SlowSTC(14,3)同指數一齊上，博恒指向上再殺26100至26199點全層，甚至再貪心啲食埋26200至26299點？
菢蛋唔緊要，方向啱就可以，恒指牛(66468)，收回價24939點，同現價有逾1000點差距，最貼價收回牛中槓桿最高，今日不求你大漲特漲，只願你悶聲發財。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon/秒投聊天室：輪證贏家
