噚日喺[下半part]膽粗粗再翻兜隻建行(00939)，事關日線圖上佢條保歷加通道同SlowSTC(14,3)都係回落到中軸水平，但係都揀定隻建行Call(27743)，睇下有無機會落場。
聊天室有室友話我知佢有翻兜到隻建行Call，今朝跑贏大市隊上去火速執咗50格。老老實實，建行Call都唔係無機會落，只係講到明係博，問題係夠唔夠膽博。喺噚日大約下晝2點35分至2點55分，建行5分鐘圖見SlowSTC(14,3)落到超賣水平，即使睇返噚日隻稿喺2點50分上FB，就以之後唔過保歷加通道中軸而入(27743)，高低價$0.237/$0.227，平均買入價為$0.232。再按今朝開市至截至依家10點40分止，(27743)高低位$0.29/$0.23，平均賣出價為$0.26，即平均賺幅為12.1%。
到依家10點41分，恒指今朝裂口高開後再向上衝，最高見過24943點，熊證首三層街貨全數死亡，呢度有相當於1420張期指，噚日朝早講嘅「身懷六甲」旋即被確認，依家最貼價嘅熊證為24900至24999點，有相當於427張期指，但相信當中有唔少都被打靶，亦有部份一早見唔對路走人。至於之前話有神功護體嘅25000至25099點嘅熊證街貨，至今日仍然都有過千張期指坐鎮，同時見到再對上多兩層25100至25199點，同埋25200至25299點都有過千張期指街貨喺度，但同現價24964點尚算叫做有啲距離，再加上恒指截至目前為止升逾500點，相信好友收割後都開始跳槽過檔。
依家10點57分，恒指二話不說上到25000點，最高見過25013點，上個星期五(10月30日)仲講緊24000點穿唔穿嘅時候，兩個交易日後已經講緊重上25000點；猶記得上個星期五同師兄老樓劉兆昌食飯時佢話：大選前後個市都係Chok架啦，星期五當日被個市向下chok咗500點，今日就復仇向上Chok返500幾點，確實難玩，只怪自己早幾日喺聊天室叫大家bookmark定隻友邦(01299)我唔記得咗。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon/秒投聊天室：輪證贏家
