就有人操縱壹傳媒(00282)股價，仲話高位沽空(笑到有腹肌)，警方派出毒品調查科(哦...嘅財富調查組，又學到嘢呀)出嚟解說，事後證監會同港交所(00388)都no comment嘅時候，作為塘邊鶴嘅老散之一，就只能夠續「跟住個市炒上去賺錢」囉。
噚日下晝見個市唔多願郁，於是索性將恒指牛(60471)同平安牛(63944)放走晒就算，呢兩轉賺幅唔多，噚土喺【下半part】計過，前者平均只有4.3%至6.5%，後者得兩格咁大把，仲諗緊自已有無做錯嘢之時，喺下晝3點零鐘開始恒指就明顯下行，之後成個鐘都係咁落，收市做低值24293點，做出全日低位，我忽然覺得師傅以前嗰句：「賺1蚊都好過輸1蚊」又浮喺我眼前。
今朝早返工終於都見到藍天與白雲，本以為見到恒指牛熊證街貨圖時，牛證24100至24199點，同埋24000至24099點兩層各有過千張期指，雖不知恒指彈高少少開市，到9點30分正式開市後，恒指回一回再彈高過，到依家10點28分，恒指做緊24410點，升96點。
恒指會唔會唔理重貨牛，而向上奔走？坦白講有啲保留。恒指熊(57322)，收回價25050點，同現價有逾600點差距，同一收回價中槓桿偏高，低街貨，但今日係星期五，所以都係以即日策略為主。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/秒投聊天室：輪證贏家
