依家9點22分，恒指做完U盤開出25469點，跌22點，喺恒指5分鐘圖上SlowSTC(14,3)上到8X呢啲位，不過目前見%K線作勢想跌穿條%D線，都係嗰句：近熊街貨都儲咗咁多日，真係唔夠？
仲有1分鐘正式開市，睇埋街貨圖分布先。今日見牛熊兩邊都無新增街貨，中間價(25600+25399)/2=25499.5點，同今早開市價比，兩者相差只係30.5點。今日見牛熊各自嘅第三層街貨都有逾600張期指，而牛證首兩層就有夾埋有近600張期指，熊證就有逾700張期指，兩者係差不多，只係差嗰百零張，怕且是但殺一邊都無乜所謂，反正今日星期四，聽日就期結。
依家9點36分，恒指開市後二話不說下行，跌幅已經擴大至138點，做緊25352點，果然真係兩邊差唔多街貨，是但走向其中一邊都無乜所謂；或者如前輩教落：「跌市容易升市難」。
鏡頭一轉，恒指連25300都無埋，即係話第一層牛證街貨25300至25399點全數被殺，變相第二層25200至25299點為最貼價街貨層，呢度有相當於386張期指；怕且目標25100至25199點嗰632張期指，都可能凍過水。
BTW，日線圖恒指SlowSTC(14,3)都勢頭向下，恒指熊(56146)，收回價26045點，距離現價(9點445分報25249點)有796點距離，槓桿偏高、低街貨，就望住25100至25199點嗰632張期指先啦，依家見5分鐘圖SlowSTC(14,3)落到嚴重超賣位，等等條線再彈時先再入啦，一下子咁搶法但下面仲有貨殺，怕且上到中軸都無氣力再上囉。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB：輪證贏家
