今日期結，係傳說中大市會上行嘅一日；恒指今朝開市報24979點，升96點。至於隻京東(09618)就報$241.6，升0.75%，又睇下今日隻京東Call(14622)有無計啦。
依家9點27分，恒指未正開市，先望望牛熊證街貨圖。兩邊今日都有新增街貨層，熊證嗰邊最貼價落到去24900至24999點，呢度就只得5張期指街貨咁多，按今日恒指報出嚟嘅開市價計，怕且都係凶多吉少。至於牛證方面，最貼價上移至24600至24699點，呢度亦只係得33張期指，唔算多。
重新計恒指牛熊街貨中間位，即(24900+24699)/2=24799.5點。以恒指開市價計，咁近熊證仲唔上行殺熊？
再睇埋恒指日線圖，以今朝早開市價見恒指靠近10天線(25008點)，今日一彈亦反映出50天線(24681點)有一定支持；而下方SlowSTC(14,3)底位反彈則更為明顯，連14RSI勢頭都呈上，唔通今日就係破「下降軌」嘅日子？
依家9點33分，恒指開市無耐已經重返25000點以上，亦收復埋條10天線，怕且下一步恒指會先將25000至25099點嘅熊證都殺埋，唯小心恒指今日高開再搶高一段時間，5分鐘圖上SlowSTC(14,3)會被搶高至嚴重超買水平，恒指牛(53400)，收回價24418點，同現價有逾600點差距，逾54倍槓桿屬偏高，即日追升等5分鐘圖SlowSTC(14,3)回一回先啦。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB：輪證贏家
