噚日一隻滙豐控股(00005)業績陀衰家,一如以往隻大笨象係上半場完結之後公 業績,成份嘢都係差過市場預期,到下半場再開,恒指升轉跌係咁插落去,不過可能又要多謝佢嘅,事關佢份業績唔樣衰,個市唔插,咁分鐘圖上嘅SlowSTC(14,3)又點會超賣,唔超賣我又點可以吼到位將隻恒指牛(58613)落場呢。
睇返噚日可以落場嘅時間大約係上半場嘅11點50分至下半坦1點35分;呢度時間(58613)高低位做過$0.059/$0.047,平均買入價就係$0.053;若然miss咗嘅話都仲有一個位可以比你落場嘅,就係臨前市前20分鐘,即係3點40分至4點正,同樣呢段時間恒指5分鐘圖嘅SlowSTC(14,3)處於超賣水平,而(58613)高低位做過$0.051/$0.048,平均買入價就係$0.0495。
今朝見日經無乜反應,可能喺噚晚道指都係升得8點咁大把所以呆呆滯滯咁啦,不過今日恒指就叻喎,一開市就彈高176點,開市報28404點;依家9點52分,恒指已經一條氣升逾300,重上28500點以上水平。見5分鐘圖SlowSTC(14,3)兩線都殺到上超買,(58613)可以收工,呢個時候見(58613)做緊$0.072。如果喺噚日早段時間買嘅話,賺幅就有35.8%;如果係臨收市前買仲禾味,賺幅有45.5%。
其實用恒指牛嚟部署個市上28500點樓上去食熊證都部咗幾日,依家9點58分,恒指暫時最高做過28585點,而28500至28599點呢度就有相當於1153張期指,以暫時高位計,內裡嘅期指張期都被殺得八八九九;至於上一層28600至28699點呢度就有1465張期指,仍然都係重貨區。
至於下方牛證最貼價嘅仍然都係28100至28199點,呢度都有成614張期指,當中有逾一半係噚日新增,咁極有可能見到今朝開市唔夠半個鐘就彈逾300點,率先將呢堆貼價牛收割先,跟住再係市場上搵條件更合適嘅產品,繼續推高少少個市,務求佢殺埋28600至28699點嗰堆重貨。
恒指牛熊證街貨圖點睇都係隔夜data嚟嘅(唔好問我點解,下個星期二(2月26日)Join咗Seminar嘅朋友,到時你哋自己問Gary啦!)開個搜尋牛熊證個版嘢,用收回價做sorting,你就會發現今出到最貼價嘅牛證,收回價已經去到28368點,同現價相差200點到,係呀,隻嘢係今日新鮮上市架。
咁樣唔係叫你揀最貼價,只係話比你知當你只掛顧上面啲熊證街貨有幾刺激嘅時候,都要留心下方牛證街貨衝上嚟先得嘅。恒指牛(58670),收回價28058點,同現價有逾400點差距,屬槓桿帶少少進取之選,小注吼分鐘見超賣先好落場。
作者阿珊,從事財經及投資版報道超過10年,由平面媒體走到網絡世界,《鐘擺戰略贏港股》作者。相信技術分析,由窩輪到牛熊證無一不炒,唔貪心,志在搵餐下午茶。
電郵:[email protected];Weibo[下半part]:#Gladyshan#