噚日一個久違了的舊場同事whatsapp我，喺FB我知道佢近況係入醫院，原來做咗個手術，出咗院喺屋企休息中，不過，基於目前香港同傳媒環境，佢同我講想由港聞轉去做財經組。閒談完約食飯再沉思咗一晚，再加埋今朝見到壹傳媒(00282)單新聞之後，WY，我諗到啲新搞作，食飯時再同你詳談。
依家9點48分，恒指今朝早開市跌195點，落到28240點呢個位，喺未開U盤之前同聊天室戰友睇過牛熊證街貨圖，以噚日恒指收市價計，的確係近下方牛證，所以都講定以開淡倉為主，截至依家為止，最低做過28216點，某程度上都可以當28200至28299點呢度牛證全數死亡，換言之可視28100至28199點為最貼價層，呢度已經係牛證重貨區，有相當於967張期指。
拆開恒指五分鐘圖，見到Slow STC(14,3)出技術反彈，喺9點54分見彈到上接近50分鐘線(五分鐘圖10線)，所以返到嚟結界之後都即刻開返個聊天室同大家講，留意住指數會唔會上破呢條線啦(呢句嘢都未打完即破，諗多陣條稿點打，連100分鐘線(五分鐘圖20線)都上到)。
「明明都咁近下方牛證重貨層架啦，咩事唔一口氣向下殺落去食到飽先至再衝返上去呢？」Well，怕且目的只有一個，就係想留住28100至28199點嗰堆牛證，順便引多啲儲喺呢一層先至再打，估啫，有無咁賤就真係唔知啦。
Anyway，對於Day trader嚟講最緊要就係有波幅，依10點正，小時圖出咗第二粒燭出嚟，雖然連10小時線(小時圖10線)都未掂到，不過Slow STC(14,3)就已經見由嚴重超賣水平回升，菢蛋mode的話出隻牛證博今日稍後時間指數繼續向上行，似乎可以玩耐啲。
恒指牛(62461)，收回價27700點，同現價有逾560點差距，槓桿偏高，最衰依家見五分鐘圖Slow STC(14,3)由今朝嚴重超賣水平剷到上天花板，安全嘅可以等Slow STC(14,3)回返落嚟超賣區再見回升先至出場。
喜歡玩swing trade嘅比多隻恒指熊(51667)，收回價28900點，同現價都有逾550點差距，33倍槓桿夠揪架啦！玩法咪就係見恒指五分鐘圖Slow STC(14,3)喺嚴重超買位回落時出手囉。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
Patreon【每日一股】：https://www.patreon.com/cbbcwar
秒投聊天室：https://bit.ly/31HG6AN
