熱門:

2020年9月25日 即巿股評 港股直擊

【盤房來料】恒大謠言困擾 拖累內房齊齊腳軟

美股隔晚表現反覆,雖然民主黨起草一份規模約2.4萬億美元刺激經濟方案,有意跟共和黨及白宮重啟談判,一度帶動道指重上27000水平,但投資者入市態度審慎,令美股升幅收窄,美股表現好一般。不過VIX指數 (又稱恐慌指數) 未見回升,反映恐慌情況唔算嚴重。至於港股表現認真麻麻,由於恒大(03333)謠言惹起市場關注內房債問題,港股半日高開低走,雖然恒指曾升過百點,但半日收市倒跌。

恒指高開114點報,升幅曾擴大至184點,見半日高位23495點,但市場憂慮內房債問題,大市升勢不保,一度轉跌67點,低見23243,中午挨近低位收市。恒指半日報收23262,跌48點、國指半日報收9340點,跌31點;科指半日穿7000大關,跌96點,報收6958點。

大笨象(00005)雖力保世紀供股價,但半日仍要跌1.2%,暫時死守28元之上。其他藍籌股普遍向下,小米(01810)半日跌逾1%,20元得而復失。騰訊(00700)竟然靠穩,半日微升0.1%,但阿里(09988)則跌0.7%,260元水平好淡爭持。

噚日有消息指恒大致函懇請廣東省政府支持其回A計劃文件,其後相關文件其後被下架,晚上恒大強烈譴責事件,指有人惡意造謠,嚴重影響公司聲譽,將追究造謠者責任。雖然恒大已經出嚟澄清,但今早恒大發行嘅多隻債券跌停,恒大系今早沽壓大。恒大低開2.8%,早段曾收復失地轉升7%,之後掉頭向下,一度插6%,半日仍挫3%;旗下恒大汽車(00708)半日急跌13.9%,更錄七連跌;恒騰網絡(00136)更大跌17.5%。阿Man一早講咗恒大夾住股壇狙擊手大劉大玩財技,一般投資者完全唔係佢哋對手,自問未夠班同佢哋格鬥,既然係咁,呢系股票都係敬而遠之。
話就話恒大嗰單係謠言,恒大已出聲澄清兼讉責,但空穴來風,未必無因,恒大事件令市場擔心內房企業嘅債務問題,半日內房股沽壓嚴重。融創(01918)曾插5.9%,半日挫3.8%;碧桂園(02007)跌3.4%,為表現最差藍籌;雅居樂(03383)與合景泰富(01813)各挫3.9%;龍光(03380)跌2.8%;世茂(00813)挫3%;寶龍地產(01238)挫4.7%;新城發展(01030)跌3.2%;潤地(01109)則跌1%;中海外(00688)下滑1.2%。雖然人民幣近日回解,但阿Man都未有推介內房股,主要係擔心內地經濟情況拖累房屋銷售,呢個板塊都係眼看手勿動。

至於金價反彈重上1870美元,金礦股逆市做好,不過阿Man提醒金價若未能重上1920美元企穩,表現仍反覆,金礦股未宜追入,再睇番個板塊股份升幅都係一般,就算逆市做好都當睇佢唔倒算數。農夫山泉(09633)被納入港股通後炒上,但下周北水黃金周假期休市暫停,少咗北水支持,再加埋有短炒北水獲利離場,半日股價跌近5%。咪見股價回咗以為大減價,下周期指結算加埋得番三個交易日,呢啲情況唔做唔錯。

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads