隔晚美股好瘋狂，十年債息只喺由1.6厘，稍回落至1.53厘附近，投資者掃科技股團火即爆發出來，納指全日勁彈3.69%，大股之中，表現最威猛喺特斯拉(TSLA)，單日爆升19.6%。
雖然納指勁彈，由舊經濟為主的道指，上日盤中雖然創新高，一度飆347點，高見32150，但最終尾市升幅大縮，全日只升30點，收31832。
納指上日急升，大幅跑贏道指，當然未知喺咪科技股轉勢，資金由舊經濟股轉入番新經濟，尤其納指上日急升過後，依然未收復條由去年3月延伸的上升軌(圖一)，的確現情勢令人擔心。
當然大家依然喺要睇實條十年期債息，當然希望佢進一步回落，科技股強勢有望重臨，若果跌穿十天線，即大約在1.5厘附近(圖二)，債息有望進一步推冧，甚至掟到50天線，即1.2厘附近，屆時科技股頹勢有望甩難。
美債穿1.5厘股市有運行
值得留意喺311，不單是日本東北大地震十周年相當值得紀念嘅日子，也是美國拍賣380億美元十年期債的日子，現時市場預期超購為2.32至2.47倍，萬一低過兩倍，即喺美債無人吼，科技股將好麻煩，隨時股市出現大地震，但銀仔有兩面，若果超購倍數多，即喺十年債搶手，債息有望推低，則有望利好科技股。
上星期積極減倉，但到昨日眼見十年債升唔穿1.6厘，更加打回落至1.52厘，加上科技股也調整唔少，更重要是看到聯儲局開始大手沽短債買長債，即聯儲局開始做嘢，故重新建倉攞番市場節奏。
重新建倉尋市場節奏
當然買貨唔敢太進取，因為始終擔心未見底，但買股路線圖有三大類别，包括資源、新能源及晶片股。至於最大手增持的科技股，跟契媽買Tesla(圖三)及Square(SQ)，至於中美嘅綠色能源故仔未變，故也增持由高位回落唔少的光伏裝機商Sunrun及Sunnova，還有風電頁片商TPI(TPIC)
除此之外，晶片股主要有三隻，分別喺美光(MU)、安森美半導體及CREE(CREE)，上述三間公司都是主打汽車市場，安森美是筆者相當喜愛的股份，不單有做IGBT，還有此股是汽車鏡頭感光晶片的龍頭。
至於CREE，是製造第三代半導體材料，應用於IGBT及電池G，現時已應用在Tesla Model S及X，更令充電增快50%，未來新一代的IGBT更會用在風電及太陽能上，令效能提高。
港股倉(圖四)也重新建倉，主要喺資源及科技股，較為特別是趁大市急墜快快手買快手(01024)，快手現時為內地第二大短視頻平台，之前升得急唔攷落手，到而家掟咗落來，梗喺要幫襯吓，還有藥明生物(02269)，平到連大和都叫撈底，當然梗喺要跟買啦。
雖然叫做重新建倉，但都唔敢ALL IN買貨，尤其債市大地震究竟完咗未，還需留待美國時間311(本港零晨兩時)去揭曉。
作者尹德政(Ricky)，醉心投資美股近十載，最大滿足感來自尋找抵買有實力的世界行業領袖，每逢周一、三在「信報網站」及「港股360」撰文。
（編者按：信報分析團隊羅崇博、尹德政、陳鎮強最新著作《勢在必行：活用全方位價值趨勢信號》現已發售）
歡迎訂購實體書 電子書：https://bit.ly/ejbook141
