長實集團(01113)與長江基建(01038)及電能實業(00006)就建議合組財團以129.79億澳元(約752.78億港元)收購澳洲天然氣管道公司APA Group全數股權進行股東特别大會,長實主席李澤鉅於長實股東會上被問及此舉是否代表集團看淡香港樓市時表示,「我哋唔係看淡香港樓市」,指長實近期投得港鐵黃竹坑站第3期上蓋物業發展項目,視地段及成本「一路計數」。
他說:「兩個生意(地產及固定收益業務)都係我哋鍾意嘅,尤其是地產係我哋老本行,唔會咁容易放棄嘅。」
有股東提問稱樓市泡沫會否影響集團的策略方向,李澤鉅稱,「唔好講到泡沫咁嚴重,好多人係買樓自住,依家用家係比較多、佔主要。香港樓係貴嘅,但咁多年都係貴㗎喇,正如頭先講地產係我哋老本行,一定繼續做落去,見到好嘅土地一定繼續買。不過賺到嘅錢有一部分擺喺穩定嘅收益,提高集團嘅穩定性,都係好事嚟。」
李澤鉅表示,沒有人會擔心長實的負債水平,在往後市場出現輕微波動時,或為集團帶來許多機會。他又稱,投資基建未必會跟隨地產市道走勢飄忽,而市況不穩時,市場資金會物色避險資產工具,因此基建生意不會太受短期波動影響。
談及出任主席至今,對集團的發展路線有否改變,李澤鉅直言沒有,他重申在集團工作三十多年,「同爸爸(李嘉誠)係長期工作、合作夥伴,唔會有(改變)……大部分工作同我過去都差唔多。」