卸任長和系主席的李嘉誠於股東會後見傳媒時表示，非常感激大家的支持。被問到有否感動到「喊出嚟」，李嘉誠笑言「咁又未至於！」。
他指出，退休後將全心全力在基金會工作，現在的時間及精力都投放在基金會。問到「以後係咪再見唔到你」，他稱，「唔係見唔到，基金會下個月會有大工作，聽日一樣返寫字樓」。
對於長子李澤鉅的表現，他說，「Victor都跟咗我30年有多喎，應該做得好嘅」。被問到李澤鉅有他多少成「功力」，李嘉誠笑稱，「Victor跟咗30年，我相信佢」。
被問到最感到驕傲的事，李嘉誠稱，「驕傲就冇，但對得住股東，46年來都未有股東criticize(批評)我有咩做得唔好，我做人嘅理想係令股東高高興興，好似今日咁樣」。
對於有股東問到長實樓「可否賣平啲」，李嘉誠表示，「如果我賣樓呢，我一家賣平，股東都唔要我啦，係咪呀？我希望香港個個好，有辦法解決尤其需要樓、公屋嗰啲人」。
