行政長官林鄭月娥昨晚出席民主黨周年黨慶，並捐出3萬元點唱《笑看風雲》，引起不少建制派不滿。新民黨主席葉劉淑儀批評林鄭月娥公開捐錢觀感不佳、是「好危險的先例，幾多都唔夠捐」。
她批評「好似買票，買人個good will(善意)，買人通過你啲嘢、鬧少幾句，唔係幾好」，又引述網民說「(林鄭月娥)3萬買起你」，認為對民主黨也不利，「唔通3萬元就『大和解』？」
葉劉淑儀指出，過去出席活動人情上最多是送花，即使開支票也是象徵式，認為林鄭月娥公開捐款支持民主黨，「G6、民建聯攞幾多？」她引述部分建制派說，「個個都話問特首攞，我哋咁多人，舉咗咁多手，民建聯汗馬功勞喎、零的突破，阿舜(鄭泳舜)值幾多錢呀？」揚言新民黨日後籌款也要向林鄭月娥「揼」心口。
