5月首個交易日，恒指已經低開，「五窮月」係唔係要出現真係唔知，只係知道上個星期五(4月30日)入嘅恒指熊(50464)喺上個星期嘅下晝大約1點25分至1點40分，當時(50464)高低位做過$0.118/$0.113，平均買入價為$0.01155，對比朝早嘅平均買入價$0.1045，平均賺幅為10.52%，為4月份體整成績平均賺幅推高至62.52%。
今朝早完全無理過個市，事關新工作新環境，都需要少少時間適應，尤其是部電腦；先感謝各方好感嘅支持同鼓勵，當然唔少得嘅係我家老爺今朝早嗰封開工利是。
依家10點39分，恒指先以一支「大陰燭」向下插完之後，指數一直向下走至暫時見嘅全日低位28256點，將今日牛證首五層街貨全數殺盡，同步見SlowTSTC(14,3)都已經出現超賣再超賣嘅情況，依家見恒指於五分鐘圖上重返50分鐘線(五分鐘圖 x 10線)之上，但可惜至今指數未能成功重返50分鐘線水平，似有再向下行嫌。
至依家10點52分，恒指跌幅仍然keep住跌逾400點，去到小時圖上見到指數暫時出咗疑似「錘下」物體；返去再睇返恒指五分鐘圖，換埋保歷加通道出嚟就見到依家保歷加通道已經收窄，明白嘅，望望鐘都就嚟11點，呢啲鐘數恒指開指準備收工架啦。
事實上，反正恒指依家都踩咗入牛證街貨區，而且50分鐘線不過之後，隨時有再下行嘅情況出現；反轉下再睇日線圖見指數今日以第二支陰燭出現插穿保歷加通道底部，且今日見保歷加通道底線仲有少少向下走嘅情況：再加上SlowSTC(14,3)勢頭仍然向下，日線圖都見到破位，搵隻最貼價嘅恒指熊(53444)，收回價28942點，同現價都有成600幾點差距，進取者可吼恒指五分鐘圖重奪50分鐘線/100分鐘線先出手，安全嘅就以一貫方法，等SlowSTC(14,3)上返超買時先至出手。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
