噚日喺【輪證下半part】講到話見到騰訊(00700)日線圖高位出「身懷六甲」+SlowSTC(14,3)高位回落，再喺Patreon教埋點樣喺無乜熊證同Put輪之下揀隻相對最好條款嘅騰訊Put(22885)出嚟，只係因為騰訊強勢股唔係好敢出反手，於是Paper trade就算。
依家10點29分，喺聊天室度同大家開咗三隻<追揸沽>策略，分別係恒指、京東(09618)同騰訊，全數淡倉而且全數都應該收割得八八九九。截至現時為止，恒指最低做過29194點，換言之牛證首兩層街貨29300至29399點，以及29200至29299點全數死亡，呢兩層夾埋都有成1189張期指。
聊天室戰友Jenny提醒咗我聽日係期結，怪不得恒指向下殺多千零張期指之後就收工，本身跌過百點嘅恒指依家又再次回升，只係喺恒指五分鐘圖上見目前有條250分鐘線(5 x 50線)做咗阻力；用咗兩日嘅小時圖上反而見到現水平失守50小時(1 x 50線)線後，SlowSTC(14,3)%K線(13.865)低位回升穿%D線(10.865)；而喺走勢圖上，截至10點45分見到恒指呈「錘頭」，都幾係一個開好倉訊號。
先留意恒指五分鐘圖SlowSTC(14,3)回落返去超賣位時，小時圖有無異樣，如果下一支燭(即11點至12點)恒指得到50小時線做支持，同步SlowSTC(14,3)呈上勢頭持續，而撞啱見到恒指五分鐘圖SlowSTC(14,3)都係低位回升的話，恒指牛(58087)，收回價28800點，同現價有逾500點差距，逾48倍槓桿適合Day trade用；唔理小時圖，純以五分鐘圖爬格仔都可以嘅。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
MeWe/Patreon/FB/IG：輪證贏家
秒投聊天室：輪證教室
