的確，明明見到恒指個樣耷晒頭，但都因為見到熊證街貨又多又近，所以想開淡倉嘅念頭埋藏喺心底深深處就算；至於喺ATMX中揀中嘅小米(01810)Put(26376)...在心中啦...。
依家10點30分，恒指低開後回升，最高暫時見過26432點，都真係踩上26400至26499點，即熊證第一層街貨上面，但同步5分鐘圖見SlowSTC(14,3)上到嚴重超買位%K線掉頭向下穿%D，又係day trade恒指熊嘅好時機。
至於日線圖面，今日所見恒指仍然都係一個Put樣，只係比較在乎嘅係現價靠近熊證街貨，而喺熊證第二層街貨，即26500至26599點呢度仲有成1269張期指坐鎮，就算今日牛證新增咗七層街貨，但最貼價都只係追得返上去25600至25699點，呢個位同現價(10點34分報26304點)都爭成600幾點。怕且一係發行商努力啲出返再貼價啲嘅牛證，一係就上面堆重熊開完會走人咁四散，否則今鋪技術分析 VS 街貨都應該係街貨勝。
BTW，今朝U盤時見到ATMX係咁插，戰友都表示嚇親，又放心喎，高位獲利係市場上最應該要做嘅事喎；不過，之前見住ATMX係咁上嘅而畏高無入到貨，見住隔離有貨嗰位老友打跛對腳等退休咁款，都好大機會有唔少資金趁呢啲時間進行低吸，打算成為下一個打跛腳嘅目標。
但到底高位獲利勁啲，還是低吸買進錢多？拭目以待。(分注買正股用嚟中和本身一堆舊經濟股係倉底嘅都唔反對嘅。)
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon/秒投聊天室：輪證贏家
