二手減價成風，買家出動執平貨。中原地產10大屋苑周六和周日錄435個預約睇樓，按周上升3.6%，雖創5周新高，但仍處於低位徘徊。
中原地產亞太區副主席兼住宅部總裁陳永傑表示，踏入12月，二手交投氣氛略有起色，各區小業主陸續接受現實，減價成風，吸引觀望多時的買家出動睇樓；加上市場憧憬美國息口即將見頂，樓價有望觸底反彈，令有意置業的市民紛紛出動，把握機會執平貨，令睇樓氣氛逐步好轉。
美聯物業分行統計，12月首個周六和周日15個指標屋苑錄約462個預約睇樓，按周上升約2.2%。
美聯物業住宅部行政總裁(港澳)布少明表示，市況疲弱，樓價持續受壓，惟仍有一批買家積極於低位尋寶，支持二手睇樓活動。
他認為，入市氣氛觀望，銀行估價向下，有意放盤業主需進一步割價突圍，料12月全月二手成交量可達約2500至2600宗水平，與11月相若。至於一手方面，本周末油塘全新盤朗譽首度開售，料搶去部分樓市焦點，若果大埔區全新盤於月內登場，有望刺激購買力釋放。
根據利嘉閣地產研究部數據估算，全港50個指標屋苑共錄1245個客戶於周末日預約睇樓，按周上升2%，連續三周上升。
利嘉閣地產研究部主管陳海潮表示，樓價連番下調過後，市面優質盤源成功吸引準買家，衝破其對市況不穩的憂慮，積極相約業主睇樓搵盤，本周末二手指標屋苑預約睇樓量升勢持續。
