四年一度奧運又開始，話就話今晚先係開幕禮，但其實已經有部份比賽已經開始咗。平時我9點零鐘到就坐定定開始準備開市嘅工作，今日我家老爺比我更早，8點半未到已經轉定台等划艇比賽，佢話呢場係今屆第一個香港運動員出場嘅比賽；而我只係知道，今日開始幾個台都只會播奧運，雖然我係運動白痴，但我都鍾意睇嘅。
噚日下半場幾乎被恒指悶死，不過吼中嘅係微盟(02013)，喺噚日嘅【輪證下半Part】都有講過吼中佢嘅原因，不贅；但就因為喺噚日朝早11點見股價上破小時圖20小時線(小時圖20線)，於是就出咗隻微盟牛(69384)迫上車。下半場望住微盟五分鐘圖，其實都一直keep住喺50分鐘線(五分鐘圖10線)同100分鐘線(五分鐘圖20線)橫行，只係得條Slow STC(14,3)大幅度走動，再見(69384)證價都未有異樣，已經做定過夜準備。直至下晝3點打後，見五分鐘圖Slow STC(14,3)觸底回升，直至臨收市前Slow STC(14,3)上返去嚴重超買範圍，股價都chok返高少少，唯恐Slow STC(14,3)收市前出嚴重超買，第二日觸頂回落咪...聊天室都有戰友醒水，見微盟個勢都上返去，(69384)證價都有郁動，於是決定唔過夜走人。啱架，一來講咗呢隻係冷嘢，二來有餬點解唔食先？以噚日收市前10分鐘沽走(69384)，按期內高低位做過0.061元/0.059元計，即平均沽貨價為0.06元，對比噚日朝早平均買入價0.0515元，即吞16.5%賺幅。
依家10點1分，恒指由今朝開市微升17點到倒跌近200點，喺五分鐘圖上見指數首15分鐘一直向下落到500分鐘線(五分鐘線100線)先至識得停，至於小時圖方面，就見到恒指今朝開出陰燭向下插，一度失守10小時線(小時圖10線)，不過好快就縮返個身上去，只係留底隻腳。
等到10點14分，比返啲時間恒指喺五分鐘圖上同條500分鐘線道別之後，指數繼續向下走，小時圖第二粒燭都出現，當然就處於10小時線以下水平啦，而Slow STC(14,3)亦都確定高位回落，還好已經喺聊天室今朝話見小時圖Slow STC(14,3)高位回落同埋五分鐘圖向下穿500分鐘線出淡倉，只係可能喺呢個moment五分鐘圖嘅Slow STC(14,3)再向下嘅空間有限，但換上保歷加通道則見目前保歷加通道口仍然拓闊。
恒指熊(68441)，收回價28000點，同現價有逾460點差距，即日計屬安全距離，有逾43倍槓桿都適合即日鮮使用，留意恒指五分鐘圖Slow STC(14,3)嘅走勢，如果chok得返上超買位嚟入就當然最好啦，但chok唔到嘅話，進取啲就睇住啲平均線阻力有幾強啦。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
秒投聊天室：https://bit.ly/31HG6AN
