噚日揀咗隻友邦牛(61193)，不過指數係咁上，都搶高咗友邦個走勢，所以等唔到五分鐘圖Slow STC(14,3)見超賣，全日未能出場。
至於前日入咗嘅恒科牛(59544)，噚日隨大市一同上行，所以(59544)就繼續hold到依家，本身計劃食今個星期科網股業績個浪，不過隨心啦，見好即收嘛。
今朝恒指完U後微跌40幾點，喺五分鐘圖上見指數都仲喺處於噚日條保歷加通道裡面，不過，Slow STC(14,3)兩線勢頭有高位回落嘅情況，所以到開市之後指數明顯向下走，至依家9點39分，恒指跌幅擴大至126點，報25587點。至於恒科方面，就梗係同市一齊跌啦，但係嚟到9點49分，同個舊同事who is打算轉去做財經記者所以傾兩句之後，見指數似乎喺6600點有支持，雖然係咁，但係隻(59544)奀到得返0.74。
同妹妹傾完佢同香港前途邊樣緊要之後，時間已經嚟到10點鐘，指數仍然跌緊百零點，喺五分鐘圖上見到目前指數有500分鐘線(五分鐘圖100線)做支持，但同時又被50分鐘線(五分鐘圖10線)擋住，換言之開始行出「三角形」走勢，換個小時圖則見指數原來已經跌穿咗10小時線(十分鐘圖10線)，呢啲位吇返個五分鐘圖見超買而出隻恒指熊(65702)，收回價26048點，同現價有逾440點差距，約38.79倍槓桿，博恒指小時圖隨Slow STC(14,3)下行並且落返去保歷加通道中軸為第一步目標先，之後嘅事之後先算。
至於隻(59544)又唔駛咁心急要走貨嘅，等返恒科指五分鐘圖上到超買之後先至沽走都未遲呀。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
即市聊天室/Patreon：https://www.patreon.com/cbbcwar
FB：https://www.facebook.com/cbbcwar
