進入今年最後一個季度啦，不過仍然都係30幾度高溫，怕且呢個冬天都可以著短袖。
新一季開始，新嘅聊天室都今日開始營運，獨力運作關係難免有少少甩轆，好彩暫時喺聊天室裡面嘅都係自己人；市未開恒大(03333)嗌停牌，不過今朝睇新車聞時見住日經由升轉跌，再加埋A股放假放到8號先開工，睇嚟今日恒指都係...麻麻地...
恒指未開市之前又望望牛熊證街貨圖，見到今日牛證有一層新增街貨層，最貼價上移至24200至24299點，至於熊證最貼價層就仍然喺24700至24799點，兩邊都有200張以上嘅期指，計計中間位嘅話，其實以上星期四(9月30日)嘅收市價計，其實指數靠近中間位但偏上方熊證街貨。
終於等到U盤做完，恒指開市報24478點，跌96點，以呢口價計指數現水平又近返牛證街貨，再加上見恒指完IU盤後，指數再次落返去保歷加下降通道，連小時圖都係咁，所以又一早喺聊天室上同大家講動作快嘅可以先追淡倉一注；再等多10分鐘正式開市，指數表現唔止麻麻地咁簡單，直頭係衰，一下子向下落，至依家9點52分，指數跌逾400點；再過多五分鐘，指數繼續下行，跌幅擴大至跌逾500點，做緊24071點，換言之，牛證首兩層街貨已被全數收回，呢兩層夾埋有相當於208張期指，最貼價層落到去24000至24099點，雖然呢層並唔係重貨區，但係係最多新增街貨層，都有成641張期指喺度。以截至依家9點59分，恒指最低位做過24053點計，呢一層其實都隨時被大市打埋都唔出奇。
正當喺聊天室同大家以50點為一層，拆開24000至24099點呢層街貨裡面，到底邊一邊重啲，拆完之後已經有戰友同我講24000點已穿埋，依家10點4分，最低做過23993點，個市已經跌近600點。
喺聊天室再同各戰友Update多一陣之後，指數再向下衝多100點，依家10點12分指數已經跌逾600點，落到去24100點嘅邊皮位，乃念小時圖保歷加通道口拓闊，恒指熊(53875)，收回價24600點，同現價有逾5600點差距，槓桿有逾31倍夠DT，個市依家都跌到咁囉，唯有等指數喺五分鐘圖上睇下爬唔爬得返上50分鐘線(五分鐘圖10線)或Slow STC(14,3)上得返去超買位時，先至偷位再落場啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
