噚日食咗隻恒指牛，因為隻(62554)槓桿都唔弱，噚日揀嘅時侯有成逾51倍槓桿，所以先至咁快拉到逾兩成賺幅出嚟。
等緊恒指完U盤時，電視見到柏奧港隊代表陳睿琳出賽女子100米背泳初賽，最後以第三名晉級；成績出嚟之後恒指都做完U盤，恒指開市報26203點，升175點，即第一層熊證街貨26100至26199點全數死亡，呢度有相當於270張期指街貨。
喺日線圖上，噚日已見指數重返20天線之上；今日再彈的話只係反映日線圖Slow STC(14,3)兩線呈上有力推返指數保持於保歷加上升通道，同時指數現水平近熊證街貨，誠如噚日所講，當指數 VS 街貨時，十次有八次都係街貨勝，怕且今次都唔例外，純綷只係擔心DMI嘅ADX依家向下，可能會減慢恒指上行嘅速度，或削弱上行力度。呢兩點一早喺聊天室同戰友們講好咗。
依家9點36分，恒指開市六分鐘後見指數升幅有所擴大，而喺五分鐘圖同十分鐘圖上見Slow STC(14,3)仍然上行空間，鏡頭一轉，恒指最高已見26303點，即熊證街貨又死多一層，依家變相最貼價層為26300至26399點，呢度有相當於244張期指；而恒指今朝只係用咗10分鐘就殺咗525張期指。
再返去睇返五分鐘圖恒指，其實喺依家9點45分見指數同Slow STC(14,3)兩線都已經上到接近天花板咁滯，如果呢個時侯硬闖的話，都只係適宜爬格仔行動；如果博恒指今鋪守得穩日線圖上嘅20天線+睇好Slow STC(14,3)上行+恒指現價近熊證街貨的話，恒指Call(21566)，行使價26500點，市場上最貼價Call嘅其中一隻，中期、高槓桿、低街貨。吼五分鐘圖Slow STC(14,3)回落到超賣水平時進場。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
秒投聊天室：https://bit.ly/31HG6AN
