剛過去嘅星期六，獨留我家肥貓一個喺屋企大半日，事關福祝返我阿婆嘅82歲生日，佢無Whatsapp亦都唔識得用Smart Phone，但我舅父就會將我哋嘅近況講比佢知，所以佢知道我家多咗隻肥貓之後，嗰日佢問我：你隻貓點架？我話：同你一樣，行得食得瞓得hea得，就係未學識打麻雀啫。然後佢就講起晏晝同屋企人打牌時嘅事。去到80幾歲呢個年紀仲有咩好求？身體健康就夠啦！(咁幾多歲都要身體健康嘅)
今日終於都見到恒指識得彈升啦，依家9點56分，恒指開市先升300幾點，見到Slow STC(14,3)兩線勢賣呈上但位置只係處於中軸水平，所以都有同聊天室嘅戰友講可以快手出一隻好倉嚟追返五分鐘圖條Slow STC(14,3)上到超買水平。到正式開市後雖然恒指回一回，不過連最佢近嗰條500分鐘線都未踩到，指數已經再上，依家指數已經升逾400點，數值由近牛證街貨變成近熊證街貨。「明明下方牛證咁多街貨又咁近，點解都要向反方向行？嗰邊又遠又無乜貨...」技術反彈有時係需要嘅，唔拉到咁高又邊得嚟有得跌？同超市一樣，唔加價邊有得減價？
嚟到10點7分，我家肥貓瞓到火燭都唔識醒咁，開個小時圖睇下今日第二粒小時圖嘅燭彈到去邊，一開就到已經彈到上保歷加通道中軸附近，喺聊天室同戰友們講今朝隻好倉可以繼續Hold住，唔駛用爬格今手策略，電話同步著燈見收到Push話恒指已經升逾500點。小時圖呢鋪觸低反彈得咁明顯，上破到保歷加通道中軸的話，追好倉再上，上望保歷加通道頂做目標先啦。
恒指牛(59787)，收回價24550點，同現價有逾7000點差距，市場上第三貼價牛證堆中街貨最低，呢啲時間唔好人踩人先得架，槓桿都夠Day trade用就得啦。安全嘅可吼恒指五分鐘圖Slow STC(14,3)回返落去超賣水平先進場；心急或一開始打算用返小時圖追恒指技術反彈再去的話，確認上破保歷加通道中軸就小注出場啦。只係有啲擔心小時圖上DMI嘅ADX喺指數上行時，佢下行緊，希望唔會有太大影響啦。
作者阿珊，任財經/投資版傳媒人十幾年，《鐘擺戰略贏港股》、《輪證基礎筆記》及《傻寶不懂的技術分析》系列作者。用技術分析專心玩輪證，唔貪心，志在搵餐下午茶。
Patreon：https://www.patreon.com/cbbcwar
Facebook：https://www.facebook.com/cbbcwar
秒投聊天室：https://bit.ly/31HG6AN
