依家9點7分，繼續WFH，所以原來呢啲鐘數先至上巴士返工嘅我可以坐定定喺度開晒所有機(都係得一部Mac啫)等市開。
噚日喺[下半part]講過中移(00941)，仲揀定隻Call(15422)，睇返5分鐘圖中移都係得下晝點幾呢段時間SlowSTC(14,3)先至落到超賣水平，睇返噚日篇[下半part]都係2點幾先出到，而2點打後嘅時間中移5分鐘圖嘅SlowSTC(14,3)都係處於中軸至超買水平，換言之(15422)根本就無位落場。
至於放咗入watch list幾日嘅蒙牛乳業(02319)，噚日早上大部份時間都處於低位，下晝1點25分打後就忽然發力向上走，同步見5分鐘圖嘅SlowSTC(14,3)都由接近超賣水平彈上去超買位置，就算去到噚日下晝約3點25分至3點35分，條SlowSTC(14,3)都只係回到落去3x呢個位，之後又再回升。
到今日再睇嘅時候，日線圖上見已經係第二支陽燭爆上，陰陽燭圖上仲生咗個「穿腳破頭」出嚟，不過，再追Call都只能夠等5分鐘圖SlowSTC(14,3)落返去超賣先至好小注入場，仲要係用日線圖去追，蒙牛Call(24283)，行使價$41.88，同現價有2.4%價外，引伸波幅35.71%，實際槓桿8.66倍。冷門嘢唔擺得耐，見好就收啦。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB/IG/Patreon/秒投聊天室：輪證贏家
