基本上每日收咗市咗後,我嘅世界又會回復平靜,噚日收市後兼趁有少少空檔又望下恒指個日線圖,可能trading hours期間啲圖換來換去,唔同underlying、唔同時間,最後先見到原來20天線已經升穿250天線,又一個「黃金交叉」出現;只係SlowSTC(14,3)兩線上到90以上,仍然keep住處於嚴重超買嘅超買再超買水平,至於14RSI都高見73樓上,而MACD「雙牛」望落去開始有掉頭跡象,唔通今年7月高位26782點,喺年底前破唔到?
今朝喺巴士上終於都開估,恒指低開84點,報26460點,見到大市高位回落,拆5分鐘圖見SlowTC(14,3)尚有下行空間,就拿拿聲喺聊天室度同大家講定開市搶熊,好彩大家都好快搶到,今朝第一注安然渡過。
到依家10點27分,恒指一度低見26311點,尚未殺到過夜嘅牛證街貨,因為今日其實係有新增牛證,收回價介乎於26300至26399點,由於係今日上市嘅關係,所以並未有過夜街貨出現。
又再望望睇咗兩日嘅中移(00941)先...藍燈籠真係不是省油燈,喺恒指日線圖高位見回落時逆市上行。雖然陰陽燭圖上未見中移正式落到保歷加通道底部,但今日身燭已高於噚日,而高位同低位都分別高於同低於噚日低位,低位出穿腳破頭幾可確認,唯一要等嘅係條SlowSTC(14,3)%K線正式喺低位升穿%D線。
The last but not the least,聊天室嘅Jenny同無看癈言嘅父親大人今日同一日生日,聊天室各位戰友都同兩位講聲生日快樂,我都喺度祝願兩位身體健康!
作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。
FB/IG/Patreon/秒投聊天室:輪證贏家