熱門:

2020年9月4日 港股直擊 即巿股評

【輪證贏家】24300仲有重貨喎

今朝見到一堆whatsapp message,除咗係老友Zoe同我開心share Hello Kitty有新keyboard同mouse出之外(很想入手!)其他都係話我知美股噚晚曾大跌逾1000點,最後收市跌800幾點,當中Tesla跌9%。

Tesla跌9%我又知點解喎,話說噚日飯腳斌少忽然講起Tesla拆細,仲問話點樣買美股。咁當然佢最後都係無揀到啦,不過齋係講吓/諗吓都有咁嘅殺傷力,小妹甘拜下風。

依家10點23分,返到嚟公司好耐但就有好多嘢要處理咗先,搞到依家先有啲時間打稿,恒指今朝開市跌338點,開市報24668點。到正式開市後恒指最低見過24488點,將牛證首四層全數打靶,四層夾埋有相當於3134張期指,最貼價層落到去24400至24499點,呢度有相當於285張期指。

今日恒指勢弱似乎已成定局,但喺依家10點27分見恒指5分鐘圖SlowSTC(14,3)已經由今朝超賣位出現技術反彈彈返上去,不過,見牛熊街貨圖,牛證街貨喺24300至24399點有成821張期指,再落少少喺24100至24199點同埋24000至24099點有兩層都過千張期指,就算唔今日食埋都應該成為目標先啱呀,就算依家恒指彈極,同熊證第一層25200至25299點都有成800點嘅距離...恒指熊(50678),收回價25388點,同現價有逾800點差距,都係博恒指今日出彈散市,下晝繼續睇返隻平保(02318)先。

作者阿珊,任財經/投資版傳媒人十幾年,《鐘擺戰略贏港股》及《輪證基礎筆記》作者。用技術分析專心玩輪證,唔貪心,志在搵餐下午茶。

FB/秒投聊天室:輪證贏家

回上

信報簡介 | 服務條款 | 私隱條款 | 免責聲明 | 廣告查詢 | 加入信報 | 聯絡信報

股票及指數資料由財經智珠網有限公司提供。期貨指數資料由天滙財經有限公司提供。外滙及黃金報價由路透社提供。

本網站的內容概不構成任何投資意見,本網站內容亦並非就任何個別投資者的特定投資目標、財務狀況及個別需要而編製。投資者不應只按本網站內容進行投資。在作出任何投資決定前,投資者應考慮產品的特點、其本身的投資目標、可承受的風險程度及其他因素,並適當地尋求獨立的財務及專業意見。本網站及其資訊供應商竭力提供準確而可靠的資料,但並不保證資料絕對無誤,資料如有錯漏而令閣下蒙受損失,本公司概不負責。

You are currently at: www.hkej.com
Skip This Ads