親愛嘅鄰里，你好！我喺你嘅鄰里，係咁嘅，依家9點11分，由你嗰邊傳過來嘅一滴聲都無，到底係裝修叔叔們今日day off，還是已經放棄唔整？定你有啲咩事呀？請揚聲，在線等。
恒指做緊U盤就睇住街貨圖先，今日見熊證有兩層新層街貨，最貼價落到去25100至25199點，呢度有相當於79張期指；而重貨區就上移至26000至26099點，有相當於985張期指，明白嘅，噚日恒指下插一度跌逾500點，收割近熊屬合理行動，之後再搬到遠熊亦無可厚非。
至於牛證方面，經過噚日下殺之後牛證最貼價落到去24600至24699點，呢度剩返316張期指，而重貨區就仍然喺24100至24199點，呢度有相當於955張期指。
其實就咁目測成個街貨圖，不難發現由牛熊各自最貼價嗰層起計去到重貨區，牛證沿途嘅期指張期指比熊證嘅多，最少嗰層都有316張(就係第一層)；而熊證最少嗰層得19張，反映噚日大市下行不少資金收割熊證之餘，反手向牛證招手。
依家9點29分，恒指做完U盤，開25007點，升215點，位置上由原先噚日靠近牛證變成依家靠近熊證，惜5分鐘圖上恒指SlowSTC(14,3)目前升到7X水平，%K線亦喺呢個位向上升穿%D線。
雖然計落牛證街貨係比熊證多，之但係如果恒指有能夠兩邊走嚟殺街貨你亦吹佢唔脹，但以日線圖見恒指勢頭仍向下，博掉頭而買入牛證嘅街貨又咁多，何不唔順勢而行，等5分鐘圖SlowSTC(14,3)上到超買位時，小注入恒指熊(60824)，收回價25,438點同現價有逾600點差距，槓桿比率約27.55倍，Day trade only。
作者阿珊，任財經/投資版傳媒人十幾年，《鐘擺戰略贏港股》及《輪證基礎筆記》作者。用技術分析專心玩輪證，唔貪心，志在搵餐下午茶。
FB：輪證贏家
