市場擔心內地當局新一輪監管措施再度加強，觸發今天恒指大跌604點收報25716點全日成交1659億元，與上周五恒指又係跌穿26000點當日計成交1721億元，相比少了62億之餘今日跌幅亦較上周為大，惟不同的今天北水自周一起開始錄得淨流入，而上周尾北水就仍處於淨流出未狀態。
基金又要減倉
港股好過好過兩日又跌返兩日，實情係現時市場未有利好消息，港股始終還是以橫行偏淡為主，科技股又再度下跌迫使基金經理資金為避險而要再度減倉走貨，資金沽貨後又要傷腦筋找地方泊，若一些近日臨近有派息的股份就特別受歡迎，另外就係內銀股在今天及上周尾港股下跌時，內銀股普遍企穩或甚至乎有輕微升幅，此等資金為有亦加入炒股唔炒市行列。
資金一齊炒股唔炒市
就如內地基建水泥板塊之類，因有數據支持跟着大戶散戶連基金經理都要跟隊炒埋一份，結果該類股份就變成跌市奇葩，連日升到散戶好多都唔敢追，但就一樣照升，又例如現時資金流入公用行業，因內地進出口數據增長強勁，用能源一定用得多，有此數據推論燃氣股今天超過一半係有得升的，金屬、採礦板塊與及電力股板塊亦有相似現象出現，暫時大隻科網股可能仍未到撈底之時，但其他有關內地刺激經濟相關行業股就估計仍繼續會做好，因資金未敢短時間就回到科網股補倉。剛想收筆之時看到幾間外資大行高調地減持多隻中資股，外資大合唱是否想對已偏淡的港股再踏一腳就未知，但港股基金佬就仍要局住在港股尋寶泊資金，所以內地基建、發電等等之類板塊相信在大市未回穏前仍有一定資金捧場賴死唔走。
梁健雄
筆者未持有上述股票
編按:作者梁健雄，香港財務策劃人員總工會副理事長，從事金融業達20年，曾任職多份報章包括英文虎報、南華早報、華爾街日報等後勤製作部工作。《炒股讀心》逢每周四跟讀者分享投資心理。
