雖然近期本欄唱好中概股，因為估值夠殘，近期也再現強勢，但也踩中地雷，例如昨日被官媒點名的富途(FUTU)，上日應聲大跌12.4%，最終假倉要無奈止蝕。
Salesforce動力增
投資最重要是分散風險，幸好打得夠散，其他隊友頂住下中地雷危機。美股倉近期執個吓倉(圖一)，主力依然是新能源及網絡安全股，但加入近期創新高的Salesforce(CRM)及《魷魚》概念的Netflix(NFLX)、炒旅遊復甦概念的UBER(UBER)、迪士尼(DIS)、萬豪酒店(MAR)、Booking(BKNG)等等。
尤其Salesforce(圖二)大家可以關注下，集團上調2022財年收入預測，由原先的260億美元，升至262.5至263.5億美元，更開出2023財年收入指引達316.5億至318億美元，若長債息持續回落，股價有望升多兩成，料可升至355美元。
坊間一向認為美股今年比港股易炒，或話上述人土只是純睇道標或標指與恒生指數比較，但實情是美股今年相當難炒，反而港股與A股較容易捉路。
以本欄港股假倉為例，除了3月全球股市一齊調整外，只要上半年揸住新能源股及A股ETF，兼且同時避開中概科網股，第三季重兵在電力股，10月沽電力買番新能源及汽車股(圖三)，只要跟隨呢個節奏，跑贏恒指實在無難度。
晶片短缺似不再
相反處身美股戰場，若揸住綠色能源、晶片及二線科網股，由於2020年升得太勁，因此太多以陰乾式回落，所以其實無著數。不過，整體來講，投資不單要揸住多隻個股以減少風險，也唔應該只揸中或美股市場，應該要唔同時間，做出唔多市場部署，即喺要在中美市場兩邊游走。
近期應該要部署科網股外，兩周前已經大力推薦大家買汽車股，原因是晶片短缺問題有望漸漸消退。若果望下DRAM價格(圖四)，近期價格反覆回落，若是市場真是相當短缺晶片，應該不會出現此情況。
由於晶片短缺或不再，現撈汽車及相關產業股正正喺時候，例如比亞迪(01211)、長汽、理想(02015)、Tesla(TSLA)、敏實(00425)、耐世特(01316)、麥格納(MGA)等等。
作者尹德政(Ricky)，醉心投資美股近十載，最大滿足感來自尋找抵買有實力的世界行業領袖，每逢周三、五在「信報網站」及「港股360」撰文，另每逢周二在《信報》撰寫「美股歷奇」。
（編者按：信報分析團隊羅崇博、尹德政、陳鎮強最新著作《勢在必行：活用全方位價值趨勢信號》現已發售）
歡迎訂購實體書 電子書：https://bit.ly/ejbook141
